په‌روین بوڵدان په‌یامێكى به‌په‌له‌ بڵاوده‌كاته‌وه‌

پەروین بوڵدان ئەندامی شاندی ئیمراڵیی پارتی یەکسانی‌و دیموکراسیی گەلان (دەم پارتی)، لەبارەی پرۆسەی چارەسەری پرسی کورد لەتورکیا ڕایگەیاند، چوونەتە قۆناغێکی ئەرێنیی پرۆسەی ئاشتییەوەو ئیدی پێویستی بەهەمواری یاسایی هەیە.
 
پەروین بوڵدان بۆ میدیایەکی نزیک لەپەکەکە لەبارەی دوایین ڕەوشی پرۆسەکەو دیداری شاندەکەی لەگەڵ عەبدوڵڵا ئۆجەلان ڕێبەری پارتی کرێکارانی کوردستان (پەکەکە)و ڕەجەب تەیب ئەردۆغان سەرۆک کۆماری تورکیا قسەیکردووه‌. 
 
بوڵدان لەبارەی دیدارەکانی شاندی ئیمراڵی لەگەڵ ئۆجەلان‌و ئەردۆغان وتوویه‌تى، "ئۆجەلان‌و ئەردۆغان‌و باخچەلیش، ئیرادەی خۆیان بۆ چارەسەری پیشاندەدەن، من سێجار لەگەڵ سەرۆک کۆمار کۆبوومەتەوە، لەهەرسێ دیدارەکەشدا بڕوایەکی زۆرو ئیرادەی چارەسەریم بینی، لێدوانەکانی باخچەلیش لەجێی خۆیانن‌و بۆ پرۆسەکەش یارمەتیدەرن".
 
ئاماژەی بەوەدا، "دوای دانانی چەک، ئیدی چوونەتە قۆناغێک، کە بەسیاسەت چارەسەری پێشبکەوێت‌و بۆ ئەوەش پێویستە هەمواری یاسایی بکرێن".