بەسێ‌ هۆزات: ئێمە تاوانمان نەكردووە تا دەوڵەتی تورك لێبوردنمان بۆ دەربكات

ناوەندی هەواڵ

بەسێ‌ هۆزات، هاوسەرۆكی كۆما جڤاكێن كوردستان_ كەجەكە_ لەچاوپێکەوتنێکی لەگەڵ لەگەڵ کەناڵی Medya Haber دەڵێت:"ئێمە خەباتمان كردووە دژی سیاسیەتی جینۆسایدی گەلەكەمان كە دەوڵەتی تورك سەدەیەك پیادەی كردووە،داوای هیچ یاساو گەڕانەوەیەك ناكەین بۆ ماڵەوە، چونکە جێگای ئێمە خەباتكردنە لەناو ریزەكانی گەلەكەمان.

بەسێ‌ هۆزات، دەشڵێت دەڵێت: کادیرانی پارتی كرێكارانی كوردستان چاوەڕوانی هیچ لێبوردنێک لە دەوڵەتی تورکیا ناکەن، ئێمە تاوانێکمان ئەنجام نەداوە تا داوای لێبوردن بکەین، تاوانباران داوای لێبوردن دەکەن، ئێمە خەباتمان کرد دژی سیاسەتی جینۆساید و نكوڵیكردن، کە گەلەکەمان روبەڕوی بووەتەوە كە دەوڵەتی تورک سەدەیەکە پەیڕەوی لێدەکات.

بەسێ‌ هۆزات لە بەشێکی  دیکەی چاوپێكەوتنەکەیدا دەڵێت،" ئێمە خەباتمان کرد بۆ ئازادی و ناسنامەی گەلەکەمان، بۆیە ئێمە داوای هیچ لێبوردن و یاسایەک ناکەین بۆ گەڕانەوە بۆ ماڵەوە، جێگای ئێمە خەباتکردنە لە ناو ڕیزەکانی گەلەکەماندا، ئامانجیشمان نییە لە پەرلەمان یان شوێنێکی تری ئەنكەرە بین، خەباتی ئێمە زۆر لەوە فراوانترە.