سەرچاوەیەکی ئەمنی عێراق: سوپای پاسداران بۆردوومانی هەرێمی نەكردووە

سەرچاوەیەکی ئەمنی عێراق له‌باره‌ى ده‌نگۆى بۆردومانى هه‌رێمى كوردستان له‌لایه‌ن سوپای پاسدارانه‌وه‌ هاته‌ده‌نگ‌و ڕایده‌گه‌یه‌نێت، "هیچ مووشه‌كێك ئاراسته‌ى هه‌رێم نه‌كراوه‌"، ده‌شڵێت، "سوپاى پاسداران له‌ناوخۆى خۆیدا مانۆڕێكى سه‌ربازیى ئه‌نجامداوه‌".

به‌پێى ئه‌و زانیاریانه‌ى سه‌رچاوه‌یه‌كى ئه‌منیى عێراق ئاشكرایكردوه‌ ده‌ڵێت، "سوپای پاسدارانى ئێران لەنزیک سنوری عێراق مانۆڕێكى سەربازیی ئەنجامدەدات".

به‌وته‌ى سەرچاوە ئەمنیەكە، "مانۆڕەكە لەناو خاکی ئێرانەو سوپای پاسدارانى ئێران لەسنورەکانی خۆیدا تاقیکردنەوەی مووشەکی‌و مەشقی سەربازیی  ئەنجامدەدات".

ئه‌و سه‌رچاوه‌یه‌ قسەی بۆ سۆمەریە نیوز كردووه‌و ده‌ڵێت، "ئەو دەنگۆیانەی باس لەهێرشکردنەسەر هەرێمى كوردستان دەکەن دوورن لەڕاستییەوە".

ئێوارەی ئەمڕۆ دەنگۆی ئەوە هەبوو، هێزی ئاسمانی ئێران هێرشی كردبێتەسەر پێگە سەربازییەکانی ئۆپۆزسیۆنی ئێران لەهەرێمی كوردستان.