عێراق: پەیامە هەڕەشەئامێزەکەى ئیسرائیلمان پێگەیشتووە و جەنگمان ناوێت

ناوەندی هەواڵ

جێگری سەرۆکوەزیرانى عێراق ئاشکرایدەکات، پەیامە هەڕەشەئامێزەکەى ئیسرائیلیان لە هەندێک لایەنەوە بەدەست گەیشتووە، سەرباری هەموو شتێکیش، ئەوان وەک عێراق جەنگ ناخوازن.

فواد حسێن، لەکاتی بەرێوەچوونى کۆڕبەندی مێپس بۆ ئاشتى و سەقامگیریی رۆژهەڵاتى ناوەڕاست، کە زانکۆی ئەمریکی لە دهۆک سازی کردبوو، وتى، پەیامە هەڕەشەئامێزەکەى ئیسرائیلمان لە هەندێک لایەنەوە پێگەیشتووە، بەڵام وەڵاممان نەداونەتەوە.

دەشڵێت، یاسا بەرکارەکانى عێراق ڕێگرە لە ئاساییکردنەوەى هەر پەیوەندییەک لەگەڵ ئیسرائیل و ناتوانیین لەگەڵیان لە پەیوەندیدابین.

باسی لەوەشکرد،حکومەتەکەیان جەنگ ناخوازێت، چونکە عێراق سەرنجی لەسەر ئەوەیە جەنگ لە ووڵات دووربخاتەوە.

ئاماژەى بۆ ئەوەش کرد، ناوچەکە دەکوڵێت و عێراقیش بەشێکە لە ناوچەکە، بۆیە مەترسییان لە بارودۆخەکە هەیە.