ترەمپ هەڕەشە لە دادگای تاوانی نێودەوڵەتی دەکات

ناوەندی هەواڵ

دۆناڵد ترەمپ سەرۆكی هەڵبژێردراوی ئەمریكا هەڕەشەی سەپاندنی سزا بەسەر دادگای  تاوانەكانی نێودەوڵەتی دەكات و پشتگیری ناتانیاهۆ دەكات.

دوای بڕیارەكەی دادگای تاوانی نێودەوڵەتی بۆ دەستگیركرنی ناتانیاهۆ و گالانت، دۆناڵد ترەمپ سەرۆكی هەڵبژێردراوی ئەمریكا پشتگیری سەرۆك وەزیرانی ئیسرائیل دەكات، ئەو داوەرەش كە فەرمانی دەستگیركردنی بۆ ناتانیاهۆ و گالانت دەكردووە بەریتانییە.

ترەمپ دەڵێت، ئەو بابەتە دەستی سەرۆك وەزیرانی بەریتانیای تێدایە و بیر لەوەدەكاتەوە ئەو دادوەرە سزابدات.

مایك ڤاڵز ڕاوێژكاری ترەمپ بۆ كاروباری ئاسایشی نیشتمانی ئەمریكا دەڵێت، ئەو دادگایە بەها و متمانەی نێودەوڵەتیی نییە و بڕیاریان داوە سزایەكی توندی بدەن لەسەر سیاسەتەكانی دژی ئیسرائیل و جولەكەكان.

كەریم خان داواكاری گشتی دادگای تاوانی نێودەوڵەتیش یەكێكە لەو كەسانەی كە لەلایەن ترەمپەوە كراوەتەوە ئامانج و لەوانەیە سزا بدرێت.