ساڵح موسلیم
2025-01-20 213 جار خوێنراوەتەوە

پەیەدە وەڵامێکی تووندی دیمەشق دەداتەوە

ناوەندی هەواڵ

ساڵح موسلیم ئەندامی دەستەی سەرۆکایەتی پەیەدە ڕایگه‌یاند، هەبوون یان نەبوونی هێزەكانی (هەسەدە) پەیوەستە بە چارەسەرێكی سیاسی بۆ هەموو سوریا. ده‌شڵێت "واتە هەسەدە بەیەك وشە دانەمەزراوە تا بەیەك وشەش  بڕوات، هەسەدە ئەمڕۆ لەشكرێكە نەك گروپێك كە پێیان بڵێن بچنەوە ماڵەوە". 

ئەم لێدوانە لەوەڵامی لێدوانی وەزیری دەرەوەی حكومەتی نوێی دیمەشقە کە چەند ڕۆژێك لەمەوبەر ڕایگەیاند"هەسەدە هەڵبوەشێتەوە و چیتر پێویست بە هەسەدە ناكات".

ساڵح موسلیم لەبارەی ئایندەی سووریا بۆ شارپرێس ڕایگه‌یاند: لەگەڵ هاتنی تەحریری شام بۆ دەسەڵات و ڕۆیشتنی ڕژێمی سوریا و ئێران و ڕووسیا، دەرفەتی نوێ هاتۆتە ئاراوە، ئەوەی ڕوونە ئەوەیە كە  تەحریری شام بە بیری خۆیەوە ناتوانێت سوریایەك بنیات بنێت كە لەگەڵ خواستی گەلی سوریادا بێت، بەڵام دەرفەت هەیە بۆ بنیاتنانی سوریای نوێ و گرنگە بۆ ئێمە وەك كورد".

" ئەمڕۆ ئێمە هێزێكین كە دەكرێت لە باكور و ڕۆژهەڵاتی سوریا بەرگری بكەین و خۆمان جێگیر بكەین، هێز هی ئێمەیو، پڕۆژەكەمان بۆ هەموو سوریاش كاریگەرە، بە بڕوای من سوریایەكی نوێ دروست دەكرێت، بەڵام چۆن دروست دەكرێت و تا چەند دەخایەنێت، پێویستی بە زۆر شتی هەیە". ساڵح موسلیم وا ده‌ڵێت.

ئه‌ندامه‌كه‌ى ده‌سته‌ى سه‌رۆكایه‌تى په‌یه‌ده‌ ده‌شڵێت:"ئەمڕۆ داوامان لێدەكرێت پێشەنگایەتی بكەین لە ناساندنی سوریای نوێ و سوریای نوێ دەبێت چۆن بێت، ئێمە هیوامان بە سوریایەكی ئارام هەیە، بەڵام نازانم ئەم ئاشتییە لە ساڵێك یان دوو ساڵی تردا ڕوودەدات یان نا. بەڵام بیری تەحریر شام هی ئەوە نییە، دەبێت بگۆڕدرێن".

 

  • هه‌سه‌دە دوو فڕۆكه‌ی بێفڕۆكه‌وان ده‌خاته‌ خواره‌وه‌ و پێگه‌ی سه‌ربازی توركیاش له‌ سوریا بۆردومان ده‌كات

  • نێچیرڤان بارزانی: تا کۆتایی ئەم مانگە ئۆجەلان پەیامی دەبێت

  • دوو منداڵی كورد بوونە یەكەم و دووەمی جیهان

  • ناوی فەرمانبەران و مامۆستایان بۆ وەرگرتنی زەوی ڕاگەیەنرا

  • دوای 26 ساڵ لە پیلانگێڕی 15ی شوبات جادووه‌كه‌ به‌سه‌ر جادووگه‌ره‌كه‌دا شكایه‌وه

  • جەمیل بایك "ڕێبەر ئۆجەلان نامەیەكی بۆ ناردووین"

  • کەجەکە "سەرکەوتنی ئەو پرۆسە ئاشتیەی تورکیا باسی دەکات مەرجە بنەڕەتیەکەیی ئازادی ئۆجەلانە"

  • " بافڵ تاڵەبانی لە ئەمریكاوە بۆ گوشار خستنەسەر حكومەتی هەرێم و بەغداد گەڕایەوە"

  • پەكەكە بۆ یەكەمجار بە موشەكێكی پێشكەوتوو هێلیكۆپتەرێكی توركیا دەخاتەخوارەوە

سەرەکی