مەزڵوم عەبدی و وەزیرى دەرەوەی فەرەنسا بۆچی لە هەولێر کۆبوونەوە؟

ناوەندی هەواڵ

شەوی ڕابردوو بۆ کوردان شەوێکی چارەنوس ساز و پڕ کۆبوونەوە ودیالۆگ بوو بەرپرسانی باڵای کورد لە هەولێر لەگەڵ یەکدی و نوێنەر و وەزارەتەکانی وەک وەزیری دەرەوەی فەرەنسا کۆبوونەوە، هەمووان چاویان لەسەر ئەوە بوو کە ئاخۆ فەرەنسا چی دەڵێت و چۆن پاوپشتیەکانی بۆ کورد جارێکی دیکە دووپات دەکاتەوە

 شەوی ڕابردوو ژان نوئێل بارو وەزیری دەرەوەی فەرەنسا جیا لە کۆبوونەوەی لەگەڵ سەرۆکی هەرێم و سەرۆک وەزیرانی کاربەرێکەر، لەگەڵ مەزڵوم عەبدی فەرماندەی گستی هەسەدە و ئیلهام ئەحمەد بەرپرسی پەیوەندیەکانی ئیدارەی خۆسەر کۆبووەوە.

 کوردان لەم سەری دنیا بۆ ئەو سەری دنیا چاویان لەوە بوو کەی وەزیری دەرەوەی فەرەنسا لەگەڵ عەبدی کۆدەبنەوە، لە پڕ کۆتایی هاتنی دیدار و کۆبوونەوەکە ڕاگەیەندرا و ناوەرۆکی کۆبوونەوەکەشیان بە ڕوونی ئاشکرا کرا .

 لە کۆبوونەوەکەدا و بە پێی لێدوانی وەزیری دەرەوەی فەرەنسا بۆ خۆی ووتی ئەوان وەک فەرەنسا هاتوون و مەبەستیانە کورد لە سوریای داهاتوو سەنگ و پێگەی خۆی هەبێت و دوودڵ نین لەو بڕیار و پاڵپشتیە .

 بارۆ وتی کورد بە هێزەوە بەرەنگاری ئاستەنگەکانیان کردووە و زۆرتیرین شەهیدیان داوە لە پێسمەرگە و شەڕڤان لەبەرامبەر داعش وپێویستە سەنگیان وەک خۆی پارێزراوبێت لە سوریای داهاتوو.

 وەزیری درەوەی فەرەنسا لە کۆنگرە ڕۆژنامەنوسیەکەیدا لەگەڵ نێچیرڤان بارزانی ووتی ئەوان وەک فەرەنسا دۆستی کوردن و لە ساڵی 1991یشدا بێ دوودڵی پێسنیاری بڕیاری 986یان کردووە بۆ پاراستنی کوردان و ئێستاش هەرئەوە دەکەن، هاوکات ئەوەی تائکید کردەوە کە دەبێ و پێویستیشە کوردان لەم قۆناغەدا بۆ خۆشیان یەکگروو بن و دەبڕاونەبن لەیەکتر و ئەوانیش پاوپشتی و هاوئاهەنگیان دەبن .

 هەر شەوی ڕابردوو نێجیرڤان بارزانی و مەزڵوم عەبدی کۆبوونەوە و چەندین تەوەریان تاوتوێ کرد، پرسی گۆڕانکاریەکانیان بۆ یەکدی ڕوونکردەوە.

ئیرادە لە زاری سەرچاوەیەکی باڵاوە زانیویەتی لە کۆبوونەوەکەیاندا ئەوە باس کراوە کە ئەگەر کورد لەم قۆناغەیدا یەکگرتوو بێت ئەوا چەسپاندنی سیستمی و فیدراڵی یان بەلانی کەمەوە داننان بە کورد و هێزەکانی سوریای دیموکرات لە باکورو ڕۆژهەڵاتی سوریا و جێگیرکردنی سەنگ و پێگەی کورد ئەوەندەی نەماوە و پەیوەستە بەیەکگرتووی و یەک ئامانجی گوتاری سیاسیە کوردیەکان بەو پێیەی لە ئاستی نێودەوڵەتیدا جیهان ئامادەیە بۆ پێشوازی کردن لەو گۆڕانکاریانەی کە ڕۆژهەڵاتی ناوەڕاست ڕوودەدەن بە تایبەت جێگیرکردنی سەنگ و پێگەی کوردان وەک گەل و میللەتانی دیکەی ناوچەکە .

 پێشتر فەرەنسا پشتگیری خۆی بۆ ڕێککەوتنی نێوان هێزەکانی سوریای دیموکرات (هەسەدە) و دەسەڵاتی دیمەشق دەربڕیبوو کە لە 10 ئازاری رابردووا واژۆکرا ئەوەش وەک هەنگاوێک بۆ چارەسەری سیاسی کە یەکگرتوویی سوریا و مافی هەموو پێکهاتەکانی دەستەبەر بکات.

 لە سەرەتاى ئەمساڵیش مەسعود بارزانى و مەزڵوم عەبدى لە هەولێر کۆبوونەوە، لە کۆبوونەوەکە باسمان لەو پرۆسەی گۆڕانکارییە کرد، کە سوریا پێیدا تێدەپەڕێت، هەردوولاشیان جەختمانکردەوە، دەبێت کورد بۆ ئەم قۆناغە یەکگرتوو بێت.