بڕیارێكى نوێ له‌باره‌ى نه‌وت‌و به‌نزینه‌وه‌ ده‌درێت

حكومه‌تی عێراق بڕیاریدا هاورده‌كردنی به‌نزین‌و نه‌وتی سپی (نه‌وتی ماڵان) ڕابگرێت‌و هۆكاره‌كه‌شی بۆ ئه‌وه‌ گه‌ڕانده‌وه‌ كه‌ ئه‌و به‌رهه‌مانه‌ له‌ئاستی ناوخۆدا گه‌یشتوونه‌ته‌ خۆبژێویی‌و به‌رهه‌مهێنان له‌رێژه‌ی به‌كارهێنانی ناوخۆیی زیاتره‌.

بەپێى نووسراوێکی فەرمی محەمەد شیاع سودانی سەرۆک وەزیرانی عێراق فەرمانی وەستاندنی هاوردەکردنی بەنزین، نەوت‌و غازی دەرکردو بۆ لەمەودوا پشت بەبەرهەمهێنانی ناوخۆ دەبەستن بۆ پڕکردنەوەی پێداویستییەکان.

هه‌ر به‌گوێره‌ی نووسراوه‌كه‌، فه‌رمانكراوه‌ كه‌ ئه‌و بڕه‌ به‌نزینە یاخود نه‌وتی سپیه‌یه‌ زیاد ده‌بێت، له‌ڕێگه‌ی میكانیزم‌و كۆنتڕڵی تایبه‌ته‌وه‌، ده‌ست به‌هه‌نارده‌كردنیان بكه‌ن.

لەنووسراوەکەدا ئەوەشهاتووە، لەماوەی سێ ساڵی پێشوودا، چەند پاڵاوگەیەکی نەوتی نوێکراوەتەوە بەمەبەستی زیادکردنی بەرهەمی ناوخۆ لەبەنزین، نەوت‌و غازو لەڕێگه‌یەوە پێداویستییەکانی ناوخۆی پڕبکرێتەوەو هەناردەکردنی بەرهەمە نەوتییەکان ڕابگرێت.