2026-05-04
320 جار خوێنراوەتەوە
ململانێی وەزارەت؛ ئەركی سەرۆكوەزیرانە راسپێردراوەكەی عێراق قورس دەكات
ناوەندی هەواڵ
لەكاتێكدا عەلی زەیدی راسپێردراو بۆ پێكهێنانی حكومەت، سەرقاڵی دروستكردنی كابینەكەیەتی، بە پشت بەستن بە پشتیوانی ئەمریكا و ناوخۆیی و نێودەوڵەتی، یەكەم دۆسیە كە وەكو ئاستەنگ ڕوبەڕووی سەرۆكوەزیرانە نوێیەكە دەبێتەوە ململانێی وەرگرتنی وەزارەتە لەنێوان لایەنە سیاسیەكاندا.
هەریەك لە كوتلە و لایەنە سیاسیەكان بە داواكارییەكانیان بۆ وەرگرتنی وەزارەت، گەمارۆی عەلی زەیدییان داوە، ئەوان ئەو وەزارەتانە هەڵدەبژێرن كە پێیان وایە لە بەرژەوەندییاندایە، تا زۆرترین بەرپرس و كادریان بخەنە ئەو وەزارەت و پۆستە حكومیانە، تەنانەت ئەگەر دەسەڵاتیشی نەبێت.
ئەگەر لایەنەكان سوربن لەسەر مەرجەكانیان چی روودەدات؟
بە وتەی چاودێرانی سیاسی، ئەگەر لایەنەكان سوربن لەسەر مەرجەكانیان، رەنگە ببێتە سەرەتای درزی نێوانیان لەگەڵ عەلی زەیدی راسپێردراو بۆ پێكهێنانی حكومەتی نوێی عێراق، ئەمەش هەڵاوسان لە پۆستەكان دروست بكات و لە ئەنجامدا دەبێتەهۆی ناكارایی حكومەت و پڕكردنەوەی بەرژەوەندی لایەنە سیاسیەكان.
ئەم هەوڵانە لەكاتێكدان، قسەی زۆر لەبارەی ئەوە دەكرێت گوایە زەیدی دەیەوێت گۆڕانكاری لە جەوهەری پێكهێنانی حكومەتدا بكات، بەڵام پێناچێت ئەم هەوڵانەی لایەنە سیاسیەكان ڕێگەخۆشكەر بن.
حكومەتی داهاتوو شتی چاوەڕوان نەكراوی تێدا دەبێت
بەشێك لە چاودێرانیش دەڵێن، حكومەتی داهاتوو شتی چاوەڕوان نەكراوی تێدا دەبێت، لەسەر ئاستی ناو و شێوازی هەڵبژاردنی پۆستەكان، لەگەڵ ئەوەشدا ئەگەری دوورخستنەوەی زۆربەی وەزیرەكانی ئەم كابینەیە هەیە بە ئامانجی ئەوەی بە كەسانی گەنج و تەكنۆكرات بگۆڕدرێن.
ئامڕازی دابەشكردنی وەزارەت و پۆستەكانی حكومەت چۆنە؟
ئامڕازی دابەشكردنی وەزارەت و پۆستەكانی حكومەتی عێراق لەسەر بنەمای خاڵە، بەشێوەیەك وەزارەتێكی سیادی 15 خاڵ و وەزارەتێكی نا سیادی 10 خاڵی پێویستە، هەر خاڵێكیش بەرامبەرە بە كورسییەكی پەرلەمانی عێراق.
ئەم سیستمە وا لە لایەنە سیاسیەكان دەكات بۆ ئەوەی وەزارەتیان بەربكەوێت پەنا بۆ هاوپەیمانی ببەن، تا خاڵی زیاتر بەدەست بهێنن بۆ بەدەستهێنانی وەزارەت و پۆستەكان لە حكومەتی داهاتووی عێراق.
لایەنەكان ئەوەندە داوای وەزارەتیان كردووە ڕەنگە هەڵاوسان لە پۆستە وەزارییەكان دروست بكات و ژمارەی وەزیرەكانی ئەم كابینەیە 20 وەزارەت تێپەڕێنێت، بۆ چارەسەری ئەمەش پێشنیاری ئەوە كراوە سەرۆكوەزیران چوار جێگری هەبێت بەڵام جێگرەكان وەزارەتیان نەبێت، هەرچەندە وەزارەتە سیادییەكانی نەوت و دارایی و دەرەوە و بەرگریی و ناوخۆ ناكۆكی زۆریان لەسەر دروست دەبێت.
-
پوتین لە پەكینە؛ رووسیا دەیەوێت لە چین چی بەدەست بهێنێت؟
|
-
یهكگرتوو داوا له بهریتانیا دهكات ناوبژیوانى پارتى و یهكێتى بكات
|
-
چین، ئێران و سعودیه پێشهنگن؛ لهسێدارهدان لهسهر ئاستى جیهان 78% زیادیكردووه
|
-
پهرلهمانى كوردستان؛ ئهو دامهزراوهیهى دواى 34 ساڵ لهبرى زیاتر چالاككردنى پهكخراوه
|
-
نه بینیومانه و نه له بهرنامهشدایه؛ ئیلهام ئهحمهد لهبارهى بینینى ئۆجهلان ڕوونكردنهوه دهدات
|
-
ئەمریكا جارێكی تر نوێترین پێشنیازی ئێرانی ڕەتكردەوە؛ ترەمپ: هێرشەكەمان ڕاگرت
|
-
دهستپێشخهرییهكهى یهكگرتوو لهنێوان دهستخۆشى پارتى و گومانى یهكێتیدا
|
-
ئێران پهتهكه له ملى خۆى توندتر دهكات؛ دەستپێکردنەوەی جهنگ لهبهردهرگایه
|
-
بنكهى نهێنى و دزهكردنى ئهمنیی؛ لهناوخۆی عێراق چى ڕوودهدات؟
|
|
|
|