"ململانێی پێکهێنانی حکومەت؛ چۆن یاری بە چارەنووسی دەرچووان کرد؟ هەواڵ

دەیەیەک بەسەر بێدەنگکردنی پێنووسێکدا تێپەڕی؛ ساڵیادی تیرۆرکردنی رۆژنامەنووس وەدات حسێن هەواڵ

میلیشیاكان چۆن و بۆچی كۆگاى سوپاى عێراقیان كردووه‌ته‌ ئامانج؟ هەواڵ

چرای سەوزی پەرلەمانی تورکیا بۆ 'یاسای چوارچێوە'؛ گواستنەوەی ئۆجەلان بۆ شوێنی نوێ و گۆڕانکاری لە پرۆسەکەدا هەواڵ

لەنێوان هیوای گەڕانەوە و ئاڵۆزیدا؛بۆچی لە سه‌رێكانێ هێرشکرایە سەر یەکەم کاروانی ئاوارە کوردەکان؟ هەواڵ

قائانى بۆچى له‌ به‌غداد بوو؟ هەواڵ

پەرلەمانی تورکیا یاسای چوارچێوە دەخاتە دەنگدانەوە؛ ململانێی ئەنقەرە و قەندیل لەسەر ئازادیی ئۆجالان و ناسنامەی کورد هەواڵ

ڕێککەوتنی سەربازیی تورکیا، سعودیە و پاکستان لە مەککە؛ بەربەستێک لە بەرامبەر نەخشەی نوێی ئەمریکا و ئیسرائیل هەواڵ

کێشەکانی کۆڕەک تیلیکۆم و دەستەی راگەیاندن؛ لە ڕاگیرانی خزمەتگوزارییەوە تا دەستبەسەرداگرتنی سامانەکان هەواڵ

عێراق بۆ رزگاربوون لە هورمز؛ دەروازەکانی هەناردەکردنی نەوت هەمەجۆر دەکات هەواڵ

2026-08-04 193 جار خوێنراوەتەوە

پارتە سیاسیەکانی رۆژهەڵات هۆشداری دەدەن؛ ئێران بۆ ترس و تۆقاندن لەسێدارەدانی زیاد کردووە

هاوپەیمانیی پارتە سیاسییەکانی ڕۆژهەڵاتی کوردستان، هۆشداریی لە زیادبوونی بەرچاوی ڕێژەی لەسێدارەدان لە ئێران دەدەن، لە راگەیەندراوێکدا دەڵێن ئەم سیاسەتە بەشێکە لە ستراتیژیی کۆماری ئیسلامی بۆ بڵاوکردنەوەی ترس و تۆقاندن تاوەکو ڕێگە لە سەرهەڵدانەوەی ڕاپەڕینێکی نوێی جەماوەری بگرێت. ڕێکخراوی دەنگی دەستبەسەرکراوانی ئێرانیش ڕایگەیاند، لە مانگی تەمووزدا لانی کەم ٧٧ زیندانی لەسێدارە دراون.

هاوپەیمانیی پارتە سیاسییەکانی ڕۆژهەڵاتی کوردستان لە ڕاگەیەندراوەکەیدا، ئاماژەی بە ڕاپۆرتی ڕێکخراوەکانی مافی مرۆڤ کردووە، کە دەری دەخەن لە سەرەتای ساڵی 2026ەوە تاوەکو ئێستا زیاتر لە 850 زیندانی لە ئێران لەسێدارە دراون. جەختیشی کردووەتەوە، زیادبوونی لەسێدارەدانی چالاکوانانی سیاسی و ژنان، ئاماژەیەکی مەترسیدارە بۆ تاودانی شەپۆلێکی نوێی توندوتیژیی دەوڵەتی.

بە گوێرەی ڕاگەیەندراوەکە، بەهۆی زیادبوونی گوشارە ناوخۆییەکان و ئاڵۆزییە هەرێمییەکان، دەسەڵاتدارانی ئێران سزای لەسێدارەدان وەک ئامرازێک بۆ بێدەنگکردنی کۆمەڵگە بەکار دەهێنن. هاوکات جەخت کراوەتەوە، لە دوای خۆپیشاندانەکانی مانگی کانوونی دووەمەوە، دەیان خۆپیشاندەر لە دوای دادگاییکردنی نادادپەروەرانە و بێبەشکردنیان لە مافی پارێزەر و لەسەر بنەمای دانپێدانانی زۆرەملێ، لەسێدارە دراون.

هاوپەیمانیی پارتە سیاسییەکانی ڕۆژهەڵاتی کوردستان، ئاماژەی بەوەش کردووە، کوردستان یەکێکە لە ئامانجە سەرەکییەکانی ئەم سەرکوتکارییە ڕێکخراوە و چالاکوانانی کورد بە تۆمەتی وەک (یاخیبوونی چەکدارانە) یان ئەندامێتی لە پارتە کوردییەکاندا سزای لەسێدارەدانیان بەسەردا دەسەپێندرێت.

هاوپەیمانیی پارتە سیاسییەکانی ڕۆژهەڵاتی کوردستان داوای لە ڕێکخراوە نێودەوڵەتییەکان و ناوەندەکانی نەتەوە یەکگرتووەکان کردووە، هەنگاوی کرداری و بەپەلە بنێن بۆ ڕاگرتنی ئەم سزایانە و لێپرسینەوە لە ئەنجامدەرانی ئەو تاوانانە.

لەلایەن خۆشیەوە، ڕێکخراوی دەنگی دەستبەسەرکراوانی ئێران ڕایگەیاند، لە مانگی تەمووزدا لانی کەم ٧٧ زیندانی لەسێدارە دراون، ١٦٠ هاووڵاتی بە هۆکاری سیاسی دەستگیر کراون و ١٩ کەسیش بە تەقەی ڕاستەوخۆی هێزە چەکدارەکانی ڕژێمی ئێران کوژراون.

ڕێکخراوی دەنگی دەستبەسەرکراوانی ئێران ئاماژەی بەوەداوە، ڕەوشی مافەکانی مرۆڤ لە ئێران لە مانگی تەمووزدا نیشان دەدات کە شەپۆلی سەرکوتکردن و پێشێلکردنی مافی هاووڵاتییان بەردەوام بووە.

باس لەوەش کراوە، لەم مانگەدا لانی کەم ٧٧ زیندانی لەسێدارە دراون، ١٦٠ هاووڵاتی بە هۆکاری سیاسی دەستگیر کراون و ١٩ کەسیش بە تەقەی ڕاستەوخۆی هێزە چەکدارەکانی ڕژێمی ئێران کوژراون.

لە وردەکاری راپۆرتەکەدا هاتووە، لە نێو سزادراوانی لەسێدارەدراو، ٦٥ پیاو، سێ ژن، دوو نەوجەوان و حەوت زیندانیی سیاسی هەبوون.

هەروەها لە ڕووی نەتەوەیی و ڕەگەزنامەوە، ١٠ کورد، چوار بەلووچ و پێنج هاووڵاتیی ئەفغانستان لەسێدارە دراون.

بەپێی ڕاپۆرتەکە، لە مانگی تەمووزدا لانی کەم ١٦٠ هاووڵاتی لە ناوچە جیاوازەکانی ڕۆژهەڵاتی کوردستان و ئێران دەستگیر کراون.

دەستگیرکراوەکان پێکهاتبوون لە کەسوکاری زیندانیانی سیاسی، چالاکوانانی سیاسی، پیشەیی، ژینگەپارێزان، چالاکوانانی هونەری و هاووڵاتییانی کورد و بەلووچ کە بە هۆکاری جۆراوجۆر یان بێ ڕاگەیاندنی هۆکاری ڕوون دەستبەسەر کراون.

هاوکات لە شارە جیاوازەکاندا، ١٩ کەس بە تەقەی ڕاستەوخۆی هێزە چەکدارەکانی ڕژێمی ئێران کوژراون، کە پێنج کەسیان کۆڵبەر بوون و ١٤ کەسەکەی دیکەش هاووڵاتیی ئاسایی بوون.

"ململانێی پێکهێنانی حکومەت؛ چۆن یاری بە چارەنووسی دەرچووان کرد؟	دەیەیەک بەسەر بێدەنگکردنی پێنووسێکدا تێپەڕی؛ ساڵیادی تیرۆرکردنی رۆژنامەنووس وەدات حسێن	میلیشیاكان چۆن و بۆچی كۆگاى سوپاى عێراقیان كردووه‌ته‌ ئامانج؟
چرای سەوزی پەرلەمانی تورکیا بۆ 'یاسای چوارچێوە'؛ گواستنەوەی ئۆجەلان بۆ شوێنی نوێ و گۆڕانکاری لە پرۆسەکەدا	لەنێوان هیوای گەڕانەوە و ئاڵۆزیدا؛بۆچی لە سه‌رێكانێ هێرشکرایە سەر یەکەم کاروانی ئاوارە کوردەکان؟	قائانى بۆچى له‌ به‌غداد بوو؟
پەرلەمانی تورکیا یاسای چوارچێوە دەخاتە دەنگدانەوە؛ ململانێی ئەنقەرە و قەندیل لەسەر ئازادیی ئۆجالان و ناسنامەی کورد	ڕێککەوتنی سەربازیی تورکیا، سعودیە و پاکستان لە مەککە؛ بەربەستێک لە بەرامبەر نەخشەی نوێی ئەمریکا و ئیسرائیل	کێشەکانی کۆڕەک تیلیکۆم و دەستەی راگەیاندن؛ لە ڕاگیرانی خزمەتگوزارییەوە تا دەستبەسەرداگرتنی سامانەکان