هه‌ردوو وه‌زاره‌تى كاره‌باو سامانه‌ سروشتیه‌كانى هه‌رێم ڕاگه‌یه‌نراوێكى هاوبه‌ش بڵاوده‌كه‌نه‌وه‌

هەردوو وەزارەتی سامانە سروشتییەکان‌و کارەبا بڵاویانکردەوە، زۆربەی كێشە تەكنییەكانی دانه‌غاز چارەسەركراوەو لەهەر بەرەو پێشچوونێک هاوڵاتییانی کوردستان ئاگادار دەکەینەوە.

له‌ڕاگه‌یه‌نراوێكى هاوبه‌شدا هه‌ردوو ئه‌و دوو وه‌زاره‌ته‌ى حكومه‌ته‌ى هه‌رێم باسیان له‌وه‌كردووه‌، "ئەمڕۆ تیمێکی هەردوو وەزارەتی سامانە سرووشتییەکان‌و وەزارەتی كارەبا بەسەرپەرشتیی بریکاری وەزارەتی سامانە سروشتییەكان‌و وەزارەتی كارەباو بەئامادەبوونی بەڕێوەبەرانی گشتیی دیوانی وەزارەت‌و بەرهەمهێنانی كارەباو كۆنترۆڵی كارەبای هەرێم‌و ڕاوێژكاری ئابووری لەگەڵ بەرپرسانی کۆمپانیای دانه‌غاز سەرقاڵی چارەسەرکردنی کێشە تەکنیکییەکانی بەرهەمهێنان بوون".

ئه‌وه‌ش ڕوونكراوه‌ته‌وه‌، "زۆربەیان كێشەكان بەرەو چارەسەرکردن چووە، بۆ ئەوەی بەزووترینکات دەست بەپرۆسەی بەرهەمهێنانی غازی سرووشتی بکرێتەوە بۆ وێستگەكانی بەرهەمهێنانی كارەبا، هەر بەدەستپێکردنی بەرهەمهێنانی غاز ڕاستەوخۆ بۆ وێستگەکانی کارەبا دەگوازرێتەوەو هاووڵاتیانی کوردستان لەهەر پێشوەچوونێکی پرۆسەکە ئاگاداردەکەینەوە".