بادینان؛ هاوڵاتییەک بەتەقەی سوپای تورکیا شەهید بوو

ناوەندی هەواڵ

پێش نیوەرۆی ئەمرۆ لەسنوری ناحیەی کانێ ماسێ سەر بەقەزای ئامێدی هاوڵاتیەکی سڤیل بەتەقەی سوپای تورکیا شەهید بوو.

هاوڵاتیەکە ناوی سەباح قومری یە،  لەناو پاوانی گوندی هرورێ سەر بەناحیەی کانی ماسێ بەهۆی تەقەی تورکیاوە شەهیدبوو، دانیشتوانی گوندەکە ڕویشتوون بۆ هێنانەوەی تەرمی ناوبراو

مەسعود بۆتی، جێگری بەرێوەبەری تەندروستی ئامێدی بە ئیرادە میدیای ڕاگەیاند"هێشتا تەرمی ئەوکەسەیە بۆمان نەنێردراوە ، پێدەچێت بگوازرێتەوە بۆ پزیشکی دادی زاخۆ چونکە لەوێ نزیکە"

لەشکرکێشییەکانى تورکیا بۆ ناو خەکاى ێراق و هەرێم بەردەوامى هەیە و تا ئێستا سوپای تورکیا، لە ناو خاکی هەرێمی کوردستان، زیاتر لە 820 بارەگای سەربازی و هەواڵگری کردوەتەوە و بەسەدان کیلۆمەترچوارگۆشەی لەخاکی کوردستان داگیرکردووە.

لەسەرەتای ئەم ساڵەوە، 18 هاووڵاتی مەدەنی بەهۆی ئۆپەراسیۆن و لەشکرکێشییەکانی تورکیا لە خاکی هەرێمی کوردستاندا شەهیدبوون و چوار هاووڵاتی تری مەدەنیش برینداربوون.