موختاری گوندی قومریێ ئەو هاوڵاتیەی ئەمرۆ شەهیدکرا بە عەمدە تەقەی لێکراوە

ناوەندی هەواڵ

پێش نیوەرۆی ئەمرۆ هاوڵاتیەکی سڤیل بەناوی سەباح عەبدولستار،تەمەن 45ساڵ خەڵکی گوندی قومریێ لەسنوری ناحیەی کانی ماسێ تەقەی لێدەکرێت و شەهیدکرا، موختاری گوندەکەش دەڵێت"بەعەمدەن تەقەی لێکراوە وشەهیدکراوە"

عومەر کامل، موختاری گوندی قومریێ لەسنوری ناحیەی  ماسێ تایبەت بەئیرادە میدیای ی وت" ئەمرۆ وەکو هەر ڕۆژێکی تری ئاسایی سەباح لەماڵ دەرچێت نزیکەی 100مەترێک لەگوندەکە دووردەکەوێتەوە هەر ئاوا لەسەر پێیەکانی خۆی ڕویشتووە ، دواتر تەقەی لێکراوە و شەهید بووە، ئەو شوێنەی تەقە لێکراوە زۆر نزیکە لەگوند وشوێنی سەربازی نیە ، هەموومان تۆشی شوک بووینە بۆچی تەقەی لێکراوە"

عومەر کامل دەشڵێت"سەباح ئیشی ڕۆژانەی گوندی دەکرد وفەرمانبەر نەبووە ، کەسێکی زۆر لەسەرخۆ و بێ کێشەبووە ، تەقەکەرەکەش دیارنیە، بەڵام هێزی تورکیا لەوناوچەیەدا هەیە"

سەباح عەبدولستار ، دانیشتوی گوندی قومریێ یە سەر بەناحیەی کانی ماسێ، تەمەن 45ساڵ ، خاوەنی پێنج منداڵە