بۆ بەلاتانەوە سەیرە دژایەتی نەورۆز بکەن ؟

کۆنگرەی ئیسلامی کۆمەڵەی عەرەبی لە ٢٠ی ئازاری ١٩٨٨ واتا تەنها چوار ڕۆژ دوای کیمیابارانی هەڵەبجە لە وڵاتی کوێت بەسترا تیایدا باسی هەمووشتیكیان کرد، ئەو درندایەتیەی بەعسیەکان نەبێت !! لەکاتێکدا وێنەی بەگازخنکاوی ژن و منداڵانی کورد لەناو کۆڵان و دەشت ودەری هەڵەبجەدا بەدونیادا بڵاو دەبووەوە. (ئەم ئیماندارانە!) مویان نەجوڵا.
ئەو هەڵویستەی ئیماندارانی جامیعەی عەرەبی و کۆنگرەی ئیسلامی هەرگیز لەبیر کورد ناچێتەوە. چونکە هەر بێ ویژدانی و دڵرەقی نەبوو. بەڵکو نکلۆڵی کردن بوو لەنەتەوەیەک و رەوایەتیدان بوو بەکوشتنی کوردان.
لەوە بە ئازارتر ئەوەیە کە لەهاوینی ١٩٦٠ وە لەسەر داوای (عبدالرزاق السمرائی) یەکەم رێکخستنی ئیخوان مسلمین لەهەڵەبجە گەرای خستووە، لە دوای قەدەغەکردنی ئیخوان لە٤/٤/١٩٧١ و لێکترازان و هەڵوەشانەوەیان لە ساڵی ١٩٧٩  هەر لە هەڵەبجەوە سەرلەنوێ زیندووکرایەوە. کەچی وەک کۆنگرەی ئیسلامی ئۆفێکی بۆ برایانی نەکرد. ئەوانیش هەڵوەستەیەکیان لەسەر ئەو خوێنساردییەی برا موسڵمانەکانیان لە ئیخوان و جامیعەی عەرەبی نەکرد !
 ئیتر بۆ بەلامەوە نامۆبێت (سوخۆرەکانی) قەتەرو تورکیا، کە خۆیان لە کوردبوون داماڵیوە دژایەتی کورد و جەژنە نەتەوەییەکەی بکەن ؟
جاشایەتی جۆری زۆرە:
هەیە بێ ریش وسمێل و قات لەبەرە.
هەیانە چەکدارە و هەشیانە ریشدارە
پیرۆزبێت جەژنی نەتەوەیی کوردان