دەرگای تۆماکردنی لیست و هاوپەیمانی و لایەنە سیاسیەکان بۆ هەڵبژاردنی پەرلەمانی عێراق دەکرێتەوە

ناوەندی هەواڵ

ئەمڕۆ دەرگای تۆماکردنی لیست و هاوپەیمانی و لایەنە سیاسیەکان بۆ هەڵبژاردنی ئەنجومەنی نوێنەرانی عێراق دەکرێتەوە.

ئەمرۆ سێشەممە، 15ی نیسانی 2025، مەروان محەممەد، بەرپرسی نوسینگەی هەولێری کۆمیسیۆنی هەڵبژاردنەکانی عێراق رایگەیاند، ئەمڕۆ دەرگای تۆمارکردنی لیست و هاوپەیمانی و لایەنەسیاسیەکان بۆ هەڵبژاردنی داهاتووی پەرلەمانی عێراق دەکرێتە و دەبێت لایەنەکان لە نوسینگەی نیشتیمانیی لە بەغدا، ناوی خۆیان تۆمار بکەن.

لەبارەی تۆمارکردنی کاندیدی سەربەخۆ وتیشی، ئەم پرۆسەیە هێشتا وادەکەی دیاری نەکراوە لەگەڵ وەرگرتنی لیستی ناوی کاندیدان دەست بە تۆمارکردنی کاندیدانی سەربەخۆش دەکرێت.

سەبارەت بە ئامادەکارییەکانی هەڵبژاردن، بەرپرسی نووسینگەی هەولێری کۆمسیۆنی هەڵبژاردنەکانی عێراق بە میدیای پارتی ڕاگەیاندوە، "سەرجەم بریکار و بەشێک لە بەرپرسانی باڵای کۆمسیۆن و نوسینگەکانی هەر 18 پارێزگاکەی کۆمسیۆن سەردانی هەولێریان کردووە و گفتوگۆ لەسەر کێشە تەکنیکەکان و چۆنیەتی چارە کردنیان دەکرێت، ئەمەش لە چوارچێوەی ئامادەکاریەکانی کۆمیسیۆنە بۆ هەڵبژاردنی داهاتووی پەرلەمانی عێراق."