دامەزراندنی دەوڵەتی فەڵەستین پەسەندکرا

ناوەندی هەواڵ

ئەمڕۆ كۆمەڵەی گشتی نەتەوە یەكگرتووەكان كۆبوونەوەیەكی ئەنجامداو تێیدا دەنگ درا بۆ دامەزراندنی دەوڵەتی فەڵەستینی.

كۆبوونەوەی گشتی نەتەوە یەكگرتووەكان، بە زۆرینەی دەنگ بەیاننامەیەكی پەسەند كرد، كە تیایدا داوای (هەنگاوی كۆنكرێتی) دەكات بەرەو چارەسەری دوو دەوڵەتی لە نێوان ئیسرائیل و فەڵەستینییەكان، پێش كۆبوونەوەی سەركردەكانی جیهان.

بڕیارنامەكە كە پشتگیری لە بەیاننامەكە دەكات، (142) دەنگی بەڵێ و (10) دەنگی نەخێرو (12) دەنگی بێلایەنی بەدەستهێناوە.

ئاژانسی دەنگ و باسی فەرەنسی بڵاویكردۆتەوە، لەكۆبوونەوەكە ئەندامانی كۆمەڵەی گشتی نەتەوە یەكگرتووەكان سەركۆنەی بزووتنەوەی حەماسیان كردووە كە لە (7) ی ئۆكتۆبەر هێرشی كردۆتە سەر ئیسرائیل، داواشیان لێكردووە چەك فڕێ‌ بدات.

لە کۆبوونەوەی ئەمڕۆی نەتەوەیەکگرتووەکان کاتێک، 142 دەوڵەت دەنگیان بە دامەزراندنی دەوڵەتی فەلەستین دا.

لەبەرانبەردا ئەم وڵاتانە دەنگیان بە دژی بڕیارەکە دا:

ئەمریکا

ئیسرائیل

ئەرجەنتین

هەنگاریا

پاراگوای

ناورۆ

میکرۆنیسیا

پالاو

تۆنگا

نیو پاپوا غینیا