ڕۆژئاوا بودجەی تایبەتی لە ئەمریکاوە بۆ تەرخانکرا

ناوەندی هەواڵ

ئەنجومەنی پیرانی ئەمریکا، ڕەشنووسی بودجەی بەرگری ساڵانەی وڵاتەکەی بۆ ساڵی 2026 کە 325ملیار بوو، پەسەند کرد و لەو بڕەش 130 ملیۆن دۆلاری بۆ هێزەکانی سوریای دیموکرا دیاریکرد.

دوێنێ 11ی10ی2025، ئەنجومەنی پیرانی ئەمریکا، پڕۆژەی یاسای "دەسەڵاتپێدانی بەرگریی نیشتمانیی 2026" پەسەند کرد، کە مانگی ئەیلول، لەلایەن ئەنجومەنی نوێنەرانەوە دەنگدانی لەسەر کرابوو و پەسەندکرا.

لە چوارچێوەی پڕۆژە یاساکەدا، وەزارەتی جەنگی ئەمریکا داوایکردبوو، بە مەبەستی ڕاهێنان، پڕچەک کردن و موچەی شەڕڤانان، بڕی 130ملیۆن دۆلار تەرخان بکرێت بۆ هێزەکانی سوریای دیموکرات.

بەشە بودجەکەی هەسەدە، بەم شێوەیەی خوارەوە تەرخانکراوە:

- بڕی 65 ملیۆن دۆلار بۆ مووچەی ئەندامانی هەسەدە تەرخانکراوە.
- 15،5ملیۆن دۆلار بۆ مەشق و پڕچەک کردن.
- 32،4ملیۆن دۆلار بۆ هاوکاری لۆجیستی.
- 15،3ملیۆنیش بۆ چاکردنەوەی ئامێرەکانی گواستنەوەی سەربازی.

لە بودجەی ساڵی 2026ی بەرگری ئەمریکا، هەسەدە زۆرترین بڕە بودجەی پشتیوانی دەرەکی ئەمریکا وەردەگرێت.