پرۆسەی دەنگدانی گشتی کۆتاییهات

ناوەندی هەواڵ

دوای 11 کاتژمێر لە کردنەوەی بنکەکانی دەنگدان، کاتژمێر 6ی ئێوارە دەرگای بنکەکان داخران و پرۆسەی دەنگدان بۆ خولی شەشەمی پەرلەمانی کوردستان کۆتاییهات.

ئەمڕۆ پرۆسەى دەنگدانى گشتى بۆ هەڵبژاردنى خولی شەشەمی پەرلەمانى کوردستان لە هەر چوار پارێزگاکەى هەرێمى کوردستان بەڕێووەچوو کە دوو ملیۆن و 683 هەزار کەس مافى دەنگدانیان هەبوو.

بەگوێرەى داتاکانى کۆمسیۆنى باڵاى سەربەخۆى هەڵبژاردنەکان لە عێراق، لە پرۆسەى دەنگدانى گشتیدا، دوو ملیۆن و 683  هەزار و 618  دەنگدەر، مافى دەنگدانیان لە پرۆسەى دەنگدانى گشتییدا هەبوو لەکاتێکدا ڕۆژی هەینی پرۆسەی دەنگدانی تایبەت بەڕێوەچوو، کۆمیسیۆن ڕایگەیاندبوو ڕێژەی بەشداریی تیایدا 97% بوو، 208 هەزار و 521 دەنگدەر بەشدارییان لە پرۆسەی دەنگدانی تایبەتدا کردبوو.

ئەمڕۆ یەک شەممە کاتژمێر 7ی بەیانی دەرگای ناوندەکانی دەنگدان بەڕووی دەنگدەراندا کرانەوە و لە کاتژمێر 6ی  پرۆسەی دەنگدان کۆتاییهات و دەست بە جیاکردنەوەی دەنگەکان دەکرێت.