​ یه‌كه‌م ئه‌نجام له‌ به‌غداوه‌؛ كورسییه‌كانى په‌رله‌مان چۆن دابه‌شبوون؟

ناوەندی هەواڵ

وته‌بێژى كۆمسیۆنى باڵاى سه‌ربه‌خۆى هه‌ڵبژاردنه‌كانى عێراق ڕایگه‌یاند، كاتژمێر پێنجى ئێواره‌ى ئه‌مڕۆ له‌كۆنگره‌یه‌كى ڕۆژنامه‌وانیدا ئه‌نجامى به‌رایى هه‌ڵبژاردنى په‌رله‌مانى كوردستان ڕاده‌گه‌یه‌نن.

جومانه‌ غه‌لاى، وته‌بێژى كۆمسیۆنى باڵاى سه‌ربه‌خۆى هه‌ڵبژاردنه‌كان ڕایگه‌یاند: كۆنگره‌كه‌ له‌ به‌غدا و له‌ كاتژمێر پێنج به‌ڕێوه‌ده‌چێت و تێیدا ئه‌نجامى به‌رایى كورسى و ده‌نگى لایه‌نه‌كان بۆ ڕاى گشتى ئاشكرا ده‌كرێت.

تائێستا به‌پێى ئه‌و زانیارییانه‌ى ئیراده‌ میدیا له‌ كۆمسیۆنه‌وه‌ ده‌ستیكه‌وتوون، دابه‌شبوونى كورسییه‌كان بۆ په‌رله‌مانى كوردستان به‌مشێوه‌یه‌یه‌

پارتى 40 كورسى، یه‌كێتى 23 كورسى، نه‌وه‌ى نوێ 16 كورسى، یه‌كگرتووى ئیسلامى ح7 كورسى، كۆمه‌ڵى دادگه‌رى 3 كورسى، به‌ره‌ى گه‌ل دوو كورسى، بزوتنه‌وه‌ى گۆڕان 1 كورسى، تائێستاش سێ كورسى لایه‌نه‌كان یه‌كلایى نه‌بووه‌ته‌وه‌ له‌گه‌ڵ پێنج كورسى كۆتاكان. ئه‌م ئه‌نجامانه‌ش سه‌ره‌تایین و ئه‌گه‌رى گۆڕانكارى تێیدا هه‌یه‌.

دوێنێ ده‌نگدانى گشتى بۆ هه‌ڵبژاردنى خولى شه‌شه‌مى په‌رله‌مانى كوردستان له‌ چوار پارێزگاى هه‌ولێر و سلێمانى و دهۆك و هه‌ڵه‌بجه‌ به‌ڕێوه‌چوو.