دژه‌تیرۆرى عێراق دوو تیرۆریست له‌ سلێمانى ده‌ستگیرده‌كات

ناوەندی هەواڵ

ده‌زگاى دژه‌تیرۆرى عێراق ڕایگه‌یاند چوار تیرۆریستیان له‌چه‌ند ناوچه‌یه‌ك ده‌ستگیركردووه‌، كه‌ دوانیان له‌ سلێمانى بوون.

ئاژانسى هه‌واڵى عێراقییه‌ بڵاویكرده‌وه‌: دەزگای دژه‌تیرۆرى عێراق زنجیرەیەک ئۆپەراسیۆنیان ئەنجامداوە کە لە ئەنجامدا چوار تیرۆریست لە ناوچە جیاجیاکانی وڵات دەستگیرکران.

لە ڕاگەیەندراوەکەدا ئاماژە بەوەشکراوە كه‌ده‌زگاكه‌ بە هاوکاری بەرێوەبەرایەتی ئۆپراسیۆنی ده‌زگای ئاسایش لە هەرێمی کوردستان توانی دوو تیرۆریست لە پارێزگای سلێمانی دەستگیربکات.

وه‌ك دژه‌ تیرۆرى عێراق ئاماژه‌ى پێداوه‌" مەفرەزەکانی ده‌زگاکە، لە چوارچێوەی ئۆپەراسیۆنەکانی هەماهەنگی لەگەڵ فەوجی بەرەنگاربوونەوەی تیرۆری سلێمانی، توانیان تیرۆریستێک لە پارێزگای کەرکوک دەستگیر بکەن.

‌هه‌ر له‌درێژه‌ی كار وچالاكییه‌كانی دەزگای دژه‌تیرۆرى عێراق توانیویەتی لە ئۆپەراسیۆنێکی جۆریدا تیرۆریستێک لە پارێزگای سەڵاحەددین دەستگیر بکات.