یەكێك لە بریندارەكانی هێرشەكەی بەنداوی تشرین شەهید بوو

كۆمیتەی بنەماڵەی شەهیدانی باكوور و ڕۆژهەڵاتی سووریا ڕایگەیاند، هاوڵاتییەك بە ناوی ڕۆنیز محەمەد عەلی هێرشی دەوڵەتی داگیركەری تورك لە ١٥ـی كانوونی دووەم، بۆ سەر گەل لە بەنداوی تشرین بە سەختی بریندار بوو، ئەمڕۆ شەهید بووە.
سوپای داگیركەری تورك لە ١٥ی كانوونی دووەم ڕاستەوخۆ چالاكوانانی مەدەنی ئێشكگری لە بەنداوی تشرین بۆردوومان كرد، لە ئەنجامدا كارمەندی تەندرووستی عومەر حەسەن و هەردوو هاوژین هێزا محەمەد و ئەدهەم عەلی و ئەندامی ئەنجوومەنی ئیدارەی خۆبەڕێوەبەری كانتۆنی فورات عوسمان ئیبراهیم شەهیدبوون، ١٩ هاوڵاتی مەدەنیش برینداربوون، لەنێو بریندارەكاندا خوێندكارێك بە ناوی ڕۆنیز محەمەد عەلی هەبوو، ئەمڕۆ ڕۆنیز محەمەد عەلی لە نەخۆشخانەیەكی كۆبانێ بەهۆی سەختیی برینەكەیەوە شەهیدبوو.