بزوتنەوەی گۆڕانی گردی زەرگەتە كۆنفرانسى نیشتیمانى ده‌به‌ستێت

ناوەندی هەواڵ

جڤاتی نیشتیمانی بزوتنەوەی گۆڕان "به‌ره‌ی ده‌ستور ـ باڵی گردی زه‌رگه‌ته‌"ی بزوتنه‌وه‌ی گۆڕان ڕاگه‌یه‌نراوێكی بڵاوكردوه‌ته‌وه‌و جه‌ختده‌كاته‌وه‌ له‌سه‌رئه‌وه‌ی، پێنجی مانگی داهاتوو، کۆنفرانسی نیشتمانیی دەبەستن، ده‌شڵێت:"پشتئەستور بەیارمەتی خوای گەورەو لێبڕاوی گۆڕانخوازان، هەڵسوڕاوان‌و ئەندامانی جڤاتی نیشتیمانی‌و جڤاتی گشتیی لە"بەرەی دەستور" حەق بەسەر باتڵدا زاڵبوو تاجی سەرکەوتنی کردە سەری".

له‌و ڕاگه‌یه‌نراوه‌دا "به‌ره‌ی ده‌ستور ـ باڵی گردی زه‌رگه‌ته‌" كه‌ به‌باڵی كوڕانی نه‌وشیروان مسته‌فا-ش ده‌ناسرێن ئاماژه‌ به‌وه‌كراوه‌، "پیرۆزبایی لەهەموو گۆڕانخوازان‌و هەڵسوڕاوانی بزوتنەوەی گۆڕان دەکەین کە چەند ڕۆژێک پاش ساڵیادی راپەڕین، ِپشت ئەستور بەیارمەتی خوای گەورەو لێبڕاوی گۆڕانخوازان، هەڵسوڕاوان‌و ئەندامانی جڤاتی نیشتیمانی‌و جڤاتی گشتیی لە"بەرەی دەستور"، حەق بەسەر باتڵدا زاڵبوو تاجی سەرکەوتنی کردە سەری".

بڕیارەکەی "به‌ره‌ی ده‌ستور ـ باڵی گردی زه‌رگه‌ته‌" كه‌ به‌باڵی كوڕانی نه‌وشیروان مسته‌فا ناسراون دوای ئەوەدێت، کۆمسیۆنی باڵای هەڵبژاردنەکانی عێراق، ڕەزامەندیدا لەسەر داواکارییەکی ئه‌و باڵه‌ی بزوتنەوەكه‌ بەبەستنی کۆنفرانس.