لەمانگی ڕەمەزاندا چوار عومرەکاری کورد لە مەککە گیانیان لەدەستداوە

ناوەندی هەواڵ

نەبەز ئیسماعیل، وتەبێژی وەزارەتی ئەوقاف و كاروباری ئایینی ڕایگەیاند،تا ئێستا لەمانگی ڕەمەزاندا  چوار عومرەکاری کوردە لە مەککە گیانیان لەدەستداوە.

بەڕێوەبەرایەتی گشتیی حەج و عومرەی هەرێم بڵاویکردەوە، ‎ڕۆژی سێشەممە، هاوڵاتی 'ئازاد رەحیم کریم باجەلان' دانیشتووی ئیدارەی سەربەخۆی گەرمیان، دوای بەجێگەیاندنی سونەتی عومڕە دوێنی شەو لە شاری مەککە کۆچی دوایی کردووە.

نەبەز ئیسماعیل، وتەبێژی وەزارەتی ئەوقاف و كاروباری ئایینی، بەدەزگای میدیایی"ئیرادە"ی وت، تا ئێستا چوار عومرەکاری کورد لەمەککەی پیرۆز گیانیان لەدەستداوەو ئەو عومرەکارەشی کەرۆژی سێشەممە گیانی لەدەستداوە تەمەنی 48ساڵ بووەو  و پێشتر هیچ نەخۆشییەکی نەبووە،  بە ئۆتۆمبیلی خۆی گەشتی عومرەی کردووە، بەڵام بە شێوەیەکی کتوپڕ لە شاری مەککە کۆچی دوایی کردووە، هەر لە شاری مەککەش بە خاک سپێردراوە.

بەپێی ئامارەکانی وەزارەتی ئەوقافی هەرێم، لەسەرەتای ئەمساڵەوە تا ئێستا 10 عومرەکاری کوردستان، لە مەککە گیانیان لەدەستداوە.