2025-03-31 195 جار خوێنراوەتەوە

بنەماڵەکانیان لە ئیمراڵی دیداریان ئەنجامدا

ناوەندی هەواڵ

ئەمڕۆ دوشەممە31ی ئازاری 2025، خانەوادەكانیان بۆ بۆنەی جەژنەوە سەردانی عەبدوڵا ئۆجەلان و عومەر خەیری کۆنار و حامیلی یڵدرم و وەیسی ئاکتاش-یان لە زیندانی ئیمراڵی كردو دیداریان ئەنجامدا.

 بەپێی هەواڵی فورات نیوز بڵاویکردەوە، لە سەردانەکەدا برای عەبدوڵا ئۆجەلان، محەمەد ئۆجەلان و برازاکەی عومەر ئۆجەلان و هەروەها برای کۆنار، عەلی کۆنار، برای یڵدرم، پۆڵات یەڵدرم، خوشکی ئاکتاش، سەبیحە ئاکتاش، دیداریان لەگەڵ زیندانیكراوەكان ئەنجامداوە.

تا ئێستا لەبارەی ناوەڕۆکی دیدارەکەوە زانیاری نەخراوەتەڕو، لەڕۆژانی داهاتووداچاوەڕوان دەکرێت  زانیاری زیاتر بخرێتەڕو.

چەندین ساڵە ڕێگری دەکرێت لەوەی بنەماڵە و پارێزەرانی ڕێبەر ئاپۆ سەردانی ئیمراڵی بکەن.

 لەدوای ساڵی 2014ەوە، تەنیا حەوت جار رێگە دراوە بە خانەوادەی عەبدوڵا ئۆجەلان سەردانی ناوبراو بكەن كە دوایین سەردانیان لە 23ی ئۆكتۆبەری ساڵی رابردو بو، ئەوەش لەدوای 44 مانگ لە رێگری لە سەردانكردنی ئۆجەلان.

 لەماوەی 14 ساڵی رابردودا، تەنها پێنج جار رێگە دراوە بە پارێزەرەكانی سەردانی ئۆجەلان بكەن كە دوایین سەردانیان لە 7ی ئابی 2019 بوو.

نوسینگەی پارێزەرانی ئۆجەلان لە 28ی ئەم مانگە لە راپۆرتێكدا رایگەیاند، لەماوەی چوار مانگی رابردودا وەڵامی داواكاری خانەوادەی ئۆجەلان و سێ زیندانییەكەی دیكەی ئیمراڵی بۆ دیدار نەدراوەتەوە.

وەفدی دەم پارتی لە رۆژانی 28ی كانونی یەكەمی ساڵی رابردو و 22ی كانونی دوەم و 27ی شوباتی ئەمساڵ لە چوارچێوەی پڕۆسەی چارەسەری ئاشتی سەردانی ئۆجەلانیان لە ئیمراڵی كرد.

 لە دوایین سەردانیاندا وەفدەكە بە بانگەوازە مێژوییەكەی ئۆجەلانەوە گەڕانەوە كە لەژێر ناونیشانی "بانگەوازی ئاشتی و كۆمەڵگەی دیموكراتی"دا بوو.

  • ناوی سودمەندانی وەزارەتێکی دیکە بۆ وەرگرتنی زەوی بڵاوکرایەوە

  • تەنها لە مانگی سێ دا تورکیا نزیکەی 12 هەزار جار هێرشی کردووەتە سەر هەرێمی کوردستان

  • لە 90 منداڵ لە هەرێم کە لەدایک دەبن، یەکێکیان ئۆتیزمی هەیە

  • بنەماڵەکانیان لە ئیمراڵی دیداریان ئەنجامدا

  • رۆژئاوا بایکۆتی دەکات

  • لەمانگی ڕەمەزاندا چوار عومرەکاری کورد لە مەککە گیانیان لەدەستداوە

  • بزوتنەوەی گۆڕانی گردی زەرگەتە كۆنفرانسى نیشتیمانى ده‌به‌ستێت

  • د.موسەننا ئەمین: پارتی بەپلەی یەکەم و یەکێتیش خەمساردن لەپرسی بە پارێزگابوونی هەڵەبجەدا

  • 10 هەزار پێشمەرگە زەوی وەردەگرن

سەرەکی