ژماره‌یه‌كى زۆر له‌خێزان‌و منداڵى داعش له‌ڕۆژئاواى كوردستانه‌وه‌ ده‌گه‌ڕێندرێنه‌وه‌ عێراق

به‌پێى سه‌رچاوه‌كانى هه‌واڵى ڕۆژئاوای كوردستان، 232 خێزانی عێراقی له‌كه‌مپی هۆڵه‌وه‌ ده‌گه‌ڕێنه‌وه‌ بۆ عێراق.

سه‌رچاوه‌كان باس له‌وه‌ده‌كه‌ن، 232 خێزانی عێراق كه‌ پێكدێن له‌ 850 كه‌س له‌كه‌مپی هۆله‌وه‌ له‌سنوری شاری حه‌سه‌كه‌ی ڕۆژئاوای كوردستان، به‌هه‌ماهه‌نگی نێوان ئیداره‌ی خۆسه‌ر له‌ڕۆژئاوای كوردستان‌و حكومه‌تی عێراق، ده‌گه‌ڕێنه‌وه‌ بۆ عێراق.

وتیشى:"تائێستا 29مین كاروانی عێراقیه‌كانه‌ كه‌ له‌كه‌مپی هۆله‌وه‌ ده‌گه‌ڕێنه‌وه‌ بۆ عێراق كه‌ سه‌رجه‌میان هاوسه‌رو منداڵى سه‌ركرده‌ داعشه‌كانن".

کەمپی هۆل دەکەوێتە شارى حەسەکەى رۆژئاواى کوردستان‌و لەژێر دەسەڵاتى هێزەکانى هەسەدەدایە.

به‌پێى ئامارەکانی نەتەوەیەکگرتوەکان، نزیکەی 60 هەزار کەس لە 50 وڵاتی جیهانەوە، لەو ڕێژەیەش 30 هەزار عێراقی، 20 هەزار سوری‌و نزیکەی 10 هەزار کەسی دیکەی كه‌سوكاری داعش لەوڵاتانی دیکەی جیهانه‌وه‌ له‌و كه‌مپه‌دان.