ناتانیاهۆ هه‌موو شتێكى ئاشكراكرد.. 42 كیلۆمه‌تر دوجار به‌153 تۆن ته‌قه‌مه‌نى لێیدرا

بنیامین ناتانیاهۆ سەرۆک وەزیرانی ئیسرائیل ڕایگەیاند، سوپای وڵاتەکەی 153 تۆن تەقەمەنیان لەناوچە جیاوازەکانی غەززە بەکارهێناوە.

ناتانیاهۆ لەوتارێکدا بەبۆنەی دەستپێکردنی خوولی زستانەی پەرلەمانی ئیسرائیل "کنێست" ڕایگەیاند، پاش کوژرانی دوو سەربازمان لەلایەن حەماسەوە لەغەززە، یەکشەممە بە 153 تۆن تەقەمەنی، غەززەى 42 كیلۆمه‌تر دوجامان بۆردوومانکرد.

ڕۆژی یەکشەممەی ڕابردوو، سوپای ئیسرائیل کوژرانی دوو سەربازیی وڵاتەکەی لەکەرتی غەززە ڕاگەیاند، پاش درووستبوونی پێکدادان لەگەڵ چەکدارانی حەماس لەڕەفەح.

ئیسرائیل حەماس بەپێشێلکردنی ڕێککەوتنی ئاگربەست تۆمەتبارکردو زنجیرەیەک هێرشی لەغەززە ئەنجامدا، لای خۆیەوە حەماس بێئاگایی خۆی لەپێکدادانەکەی ڕەفەح ڕاگەیاندو پابەندبوونی خۆی بەئاگربەستەوە دووپاتکردەوە.

بنیامین ناتانیاهۆ سەرۆك وەزیرانی ئیسرائیل ئاماژەى بەوەشکرد،  هێشتا جەنگ كۆتایی نەهاتووەو دوێنێ بینیمان چۆن حەماس رێككەوتنی ئاگربەستی پێشێلكرد.

وتیشى: "هێرشمانكردەسەر دەیان ئامانج لەكەرتی غەززە بۆ وەڵامدانەوەی پێشێلكردنی رێككەوتنی ئاگربەست لەلایەن حەماسەوە".

باسى لەوەشکرد، "چەكمان بەدەستەوەیەو دەستێكی ترمان درێژە بۆ هەر كەسێك كە ئاشتی بوێت، سیاسەتی من ئەوەیە ئاشتی لەگەڵ بەهێزەكان دەكرێن نەك لاوازەكان".