هه‌ڕه‌شه‌ قورسه‌كه‌ى هێگسێس.. وه‌ك قاعیده‌ مامه‌ڵه‌یان له‌گه‌ڵ ده‌كرێت

سوپای ئەمریکا بەلەمێکی قاچاخچییەکانی ماددە هۆشبەرەکانی ڤەنزوێلای لەدەریای کاریبی کردە ئامانج، وەزیری جەنگی ئەو وڵاتەش دەڵێت، "هاوشێوەی قاعیدە مامەڵە لەگەڵ قاچاخچییەکانی ماددە هۆشبەرەکان دەکەین".

ئیدارەی دۆناڵد ترەمپ سەرۆکی ئەمریکا ئۆپراسیۆنی سەربازی لەهەرێمە ئاوییەکانی باشووری وڵاتەکەی لەگەڵ وڵاتانی ئەمریکای لاتین لەدژی قاچاخچییەکانی ماددە هۆشبەرەکان دەستپێکردووە.

له‌وباره‌یه‌وه‌ پێت هێگسێس وەزیری جەنگی ئەمریکا ده‌ڵێت، "لەنیوەشەوداو بە فەرمانی سەرۆک ترەمپ، هێرشمانکردەسەر بەلەمێکی قاچاخچییەکانی ماددە هۆشبەرەکان لەدەریای کاریبی، لەئەنجامی هێرشەکەدا شەش تیرۆرستی ماددە هۆشبەرەکان کە لەسەر بەلەمەکە بوون کوژران".

هێگسێس هۆشداریشدایە ئەوکەسانە، "ئەگەر تیرۆریستی قاچاخچیت‌و دەتەوێت ماددە هۆشبەرەکانت بگەیەنیتە ئەمریکا، ئەوا هاوشێوەی ڕێکخراوی قاعیدە مامەڵەت لەگەڵ دەکەین، بەشەو یان بەڕۆژ، تۆڕەکانتان دیاریدەکەین‌و ئەندامانتان دیاریدەکەین‌و بێ سڵكردنه‌وه‌ دەتانکوژین‌و له‌ناوتان ده‌به‌ین".