جێگری وەزیری دەرەوەی ئەمریکا سبەی لە هەولێرە

ئیرادە میدیا

وەزارەتی دەرەوەی ئەمریكا ڕایگەیاند، ڕۆژی پێنجشەممەی داهاتوو، مایكڵ ریگاس، جێگری وەزیری دەرەوەی ئەمریكا بۆ كارگێڕی و سەرچاوەكان، گەشتێكی فەرمی دەستپێدەکات کە سێ وڵاتی ڕۆژهەڵاتی ناوەڕاست و توركیا دەگرێتەوە، ئەوانیش: عیراق، توركیا و ئیسرائیل.

گەشتەكەی ریگاس تاكو ڕۆژی 5ی مانگی داهاتوو بەردەوام دەبێت. وەزارەتی دەرەوەی ئەمریكا ڕوونی کردەوە کە ئامانج لەم گەشتە، جەختكردنەوەیە لە پابەندبوونی بەردەوامی ئەمریكا بۆ پێشخستنی سەقامگیری، ئاسایش، ئازادی ئایینی و خۆشگوزەرانی لە ناوچەكەدا.

لە چوارچێوەی سەردانەكەی بۆ عیراق، مایكڵ ریگاس چەندین كۆبوونەوەی گرنگ لەگەڵ لێپرسراوانی حكومەتی عیراق ئەنجامدەدات. هەروەها سەردانی دامەزراوە دیپلۆماسییەكانی ئەمریكا لە وڵاتەكەدا دەكات.

گرنگترین وێستگەی سەردانەكەی بۆ عیراق، كردنەوەی فەرمی كونسوڵخانەی نوێی ئەمریكا لە هەولێر، پایتەختی هەرێمی كوردستان، دەبێت، کە نیشانەیەكە بۆ بەهێزبوونی پەیوەندییەكان و پەرەپێدانی ئامادەیی دیپلۆماسی ئەمریكا لە عیراق.