دەستەی مافی مرۆڤ: ئیدانەی رووداوەکانی گوندی لاجان دەکەین

ناوەندی هەواڵ

دەستەی سەربەخۆی مافی مرۆڤ لەراگەیەندراوێکدا دەڵێت، بەتوندی ئیدانەی  رووداوەکانی گوندی لاجان دەکەین.

لە راگەیەندراوەکەی دەستەی سەربەخۆی مافی مرۆڤدا هاتووە، رۆژی شەممە، پاش ئەنجامدانی گردبوونەوەی ژمارەیەک خەڵکی گوندی لاجـ.ـان لە سنووری پارێزگای هەولێر، لەبەردەم کۆمپانیای لانـاز، تاوەکو چەند داواکاریەک بگەیەننە لایەنی بەرپرس، بەداخەوە تونـدوتیژی و تەقـەی لێکەوتەوە بووە هۆی کـوژرانی گەنجێک و برینداربوونی چەند کەسێکی دیکە، هەروەها لە رووداوەکە تــوندوتیژی بەرامبەر چەند کەناڵێک و رۆژنامەنووسێک بەکارهاتووە.

ئاماژە بەوەشکراوە، دەستەی سەربەخۆی مافی مرۆڤ، ئیدانەی هەر جۆرە توندوتیژیەک دەکات کە ببێتە هۆی بەکارهێنانی چـەک و کوشـتنی لێبکەوێتەوە، ‎دەستەی مافی مرۆڤ وێڕای پشتگیریکردن لە داواکاری هاوڵاتییان بۆ دابینکردنی ژیان و مافەکانیان، لەهەمانکاتدا پشتیوانی لەگردبوونەوەکان دەکات بە رێکاری یاسایی و مەدەنی، دوور لە تــوندوتیژی.

لەڕاگەیەندراوی دەستەکەدا ئەوەشهاتووە، بەردەوامدەبین لە چاودێریکردنی ئەم دۆسیە و دەرەنجامی لێکۆڵینەوەکان، هەروەها پێویستە تەقـ.ـەکەران و تۆمەتـباران هەرچی زووە بدۆزرێنەوە و بدرێنە دادگا.