راپۆرتی کۆتایی لیژنه‌ی لێكۆڵینه‌وه‌ له‌هێرشه‌كه‌ی سه‌ر كۆرمۆر دەدرێت بە سودانی

ناوەندی هەواڵ

به‌پێی راپۆرتی لیژنه‌ی لێكۆڵینه‌وه‌ له‌هێرشه‌كه‌ی كۆرمۆر: به‌رپرسیارێتی هێرشه‌كه‌ نه‌خراوه‌ته‌ ئه‌ستۆی هیچ لایه‌نێك
 
ماڵپه‌ڕی عه‌ره‌بی جدید پشت به‌ستو به‌سه‌رچاوه‌ عێراقییه‌كان بڵاویكرده‌وه‌، كه‌ لیژنه‌ی لێكۆڵینه‌وه‌ له‌هێرشه‌كه‌ی سه‌ر كیڵگه‌ی كۆرمۆر نه‌گه‌یشتوونه‌ته‌ ئه‌و ئه‌نجامه‌ی كه‌ چ لایه‌نێك هێرشه‌كه‌ی ئه‌نجامداوه‌.
 
 
به‌پێی راپۆرتی لیژنه‌كه‌ كه‌ له‌دواقۆناغه‌كانی ته‌واو بوونیدایه‌ هێرشه‌كه‌ له‌رێگه‌ی دوو فرۆكه‌ی درۆنه‌وه‌ ئه‌نجامدراوه‌و شوێنی هه‌ڵدانی دوو فرۆكه‌كه‌ش ناوچه‌ی خورماتووه‌.
 
ئاماژه‌ به‌وه‌شكراوه‌ كه‌ ئه‌ندامانی لیژنه‌كه‌ له‌چه‌ند كاتژمێری رابردوودا سه‌رجه‌م به‌ڵگه‌ مه‌یدانییه‌كانیان كۆكردوه‌ته‌وه‌و پشكنینیان بۆ پاشماوه‌ی ته‌قه‌مه‌نییه‌كان كردوه‌و گوێش  له‌تیمی ئه‌منی ده‌وروبه‌ری كێڵگه‌كه‌ گیراوه‌ و واش چاوه‌ڕوان ده‌كرێت  له‌داهاتویه‌كی نزیكدا راپۆرته‌كه‌ بۆ فه‌رمانده‌ی گشتیی هێزه‌ چه‌كداره‌كانی عیراق به‌رز بكرێته‌وه‌.
 
یاسر وه‌توت ئه‌ندامی لیژنه‌ی ئاسایش و به‌رگری له‌په‌رله‌مانی عیراق رایگه‌یاند، كاره‌كانی لیژنه‌ی لێكۆڵینه‌وه‌ زۆر به‌نهێنی به‌ڕێوه‌ده‌چێت و حكومه‌تیش سووره‌ له‌سه‌ر ئه‌وه‌ی راستییه‌كان بۆ رای گشتی له‌نزیكترین كاتدا ئاشكرا بكات.