"سبه‌ی پارتی و یه‌كێتی له‌سه‌ر ئاستی باڵا كۆده‌بنه‌وه‌"

ناوەندی هەواڵ

بڕیاره سبەی دوشەممە، پارتی و یەکێتی له‌سه‌ر ئاستی باڵا کۆببنەوە.

ئیرادە:

هیوا گەیلانی، ئەندامی کۆمیتەی ناوەندیی پارتی، به‌ میدیای وتووە، سبەی دوشەممە، 1ی کانونی یەکەمی 2025، پارتی دیموکراتی کوردستان و یەکێتی نیشتمانی کوردستان لەسەر ئاستی باڵا کۆدەبنەوە.

ڕاشیگەیاندووە، لە ڕۆژانی داهاتوشدا پارتی سەردانی لایەنە سیاسییەکانی دیکە دەکات.

دەشڵێت، لەکۆبوونەوەیان لەگەڵ یەکێتی، هەموو هەوڵێک دەدەن بۆئەوەی کابینەی نوێی حکومەتی هەرێمی کوردستان پێکبهێنرێت، بەوتەی ناوبراو لەڕابردوشدا نەرمیان نواندوە بەڵام یەکێتی نەهاتوەتەوە پێشەوە.

ئەو ئەندامەی کۆمیتەی ناوەندی پارتی، ئاماژەی بەوەشکردووە، کەپارتی دیموکراتی کوردستان مەبەستیەتی دو پەیام بەلایەنەکان بگەیەنێت. یەکەم، ڕێکخستنەوەی پەرتەوازەیی نێوماڵی کورد.

دوەم، لەگەڵ لایەنە براوەکان یەک پاکێج و گوتاریان هەبێت لە حکومەتی داهاتوی عێراق.