شاندی هەسەدە بە سەرۆکایەتی مەزڵوم کۆبانێ لە دیمەشقن

ناوەندی هەواڵ

وەفدێکی هێزەکانی سوریای دیموکرات هەسەدە لە دیمەشق لەگەڵ لێپرسراوانی باڵای حکومەتی سوریا لە کۆبوونەوە، بۆ گفتوگۆکردن لەبارەی یەکگرتنی هێزەکانی هەسەدە و سوپای سوریا.

 وەفدەکەی هەسەدە لە دیمەشق چەندین کۆبوونەوە ئەنجامدەدات و هەوڵی جدی دەدرێت بۆ تێکەڵکردنی هێزەکانی سوریای دیموکرات و سوپای سوریا.

وەفدەکەی هەسەدە, پێکهاتوون لە هەریەک لە مەزڵوم کۆبانێ فەرماندەی گشتی هێزەکانی سوریای دیموکرات لەگەڵ سۆزدار دێرک و سیپان حەمۆ، ئەندامانی فەرماندەیی هێزەکانی هەسەدە.

بەپێی زانیاری میدیاکانی ڕۆژئاوا، کیڤن جەی لامبێرت، فەرماندەی هێزەکانی ئەمریکا لە هاوپەیمانی نێودەوڵەتی دژ بەداعش بە سەرۆکایەتی ئەمریکا بەشداری لە کۆبوونەوەکەدا دەکات.

کۆبوونەوەیەکی نێوان مەزڵوم عەبدی، فەرماندەی گشتی هێزەکانی سوریای دیموکرات و شاندەکە، کە بڕیاربوو لە 29ی کانوونی دووەمی ساڵی ڕابردوو لە دیمەشق بەڕێوەبچێت، بەڵام بە هۆکاری "تەکنیکی" دواخرا.