سوپاى عێراق بە چوارەمین سوپاى وڵاتانى عەرەب دیاریکرا

ناوەندی هەواڵ

دامەزراوەی گڵۆباڵ فایەرپاوەر کە تایبەتە بە کاروباری سەربازیی و ساڵانە هەڵسەنگاندن بۆ ئاستى سوپاکانى جیهان دەکات ئەمساڵیش ڕیزبەندی سوپاكانی جیهانی بڵاوكردوە.

گڵۆباڵ فایەرپاوەر دواى توێژینەوەیەکی مەیدانى لە 145 وڵات بەدواداچوونکراوە و "شەست" پێوەریان دیاریکردووە لە بوارەکانى تواناى مرۆیی، دارایی، لۆجستى و پێداویستى سەربازیی، تایبەتمەندى جوگرافیی.

بەپێی راپۆرتى دامەزراوەکە، سوپاى ئەمریکا لە ریزبەندى یەکەمدایەو بەدواى ئەودا روسیا، چین، هندستان، کۆریاى باشوور، بەریتانیا، فەرەنسا، ژاپۆن، تورکیا و ئیتاڵیا لە دە یەکەمەکانی جیهانن.

هەروەها گڵۆباڵ فایەرپاوەر ئەوەشیخستوەتەڕوو، لەسەر ئاستى وڵاتانى عەرەبیش، میسر لە پلەى یەکەمدایە و بەدواى ئەودا سعودیە، جەزائیر و لە پلەى چوارەمیشدا عێراق و پاش ئەویش ئیمارات، مەغریب، سوریا، قەتەر و لە ریزبەندی دەیەمی وڵاتانى عەرەبیشدا سوپاى سودان دێت.