سەرۆکی گەورە شارەوانی ئیستانبوڵ دەستگیرکرا

ناوەندی هەواڵ

بە گوێرەى هەواڵێکی ڕۆژنامەى سۆزجو، بەیانی ئەمڕۆ 
ئەکرەم ئیمامئۆغڵو، سەرۆکی گەورە شارەوانی ئیستانبوڵ و 100 کەسی دیکە دەستگیرکران.

ئەمڕۆ چوارشەممە، لەسەر سکاڵای داواکاری گشتی، ئەکرەم ئیمامئۆغڵو، سەرۆکی گەورە شارەوانی ئیستانبوڵ بە تۆمەتی گەندەڵی لەگەڵ 100 کەسی دیکە دەستگیرکران.

چاودێران و شارەزایان دەڵێن بەرگێکی یاسایی بە بەر دۆسیەکەی ئیمامئۆغڵودا کراوە، بەڵام گومان دەکرێت ئامانجی سیاسی لە پشتەوە بێت بە تایبەتیش کە چاوەڕوان دەکرێت لە هەڵبژاردنی داهاتوودا خۆی بۆ پۆستی سەرۆکایەتی کۆمار کاندید بکات و ببێتە ڕکابەری ڕەجەب تەیب ئەردۆغان، سەرۆک کۆماری ئێستا کە ئەویش بە نیازە جارێکی دیکە خۆی بۆ پۆستەکە کاندید بکاتەوە.

ئەکرەم ئیمامئۆغڵو لە دوو هەڵبژاردنی ڕابردودا بەسەر کاندیدی پارتی داد و گەشەپیدانی فەرمانڕەوای تورکیادا سەربکەوێت و پۆستی سەرۆکی گەورە شارەوانی ئیستانبوڵ بەدەستبهێنێت.

دوێنێش زانکۆی ئیستانبوڵ بڕوانامە ئەکرەم ئیمامئۆغڵوی هەڵوەشاندەوە کە مەرجێکی سەرەکییە بۆ هەر کەسێک کە بیەوێت خۆی بۆ پۆستی سەرۆکایەتی کاندید بکات.

رۆژنامەکە نوسیوێتی، بۆ رێگرییکردن لە کاندیدبوونی بۆ سەرۆککۆمار بڕیار لەسەر هەڵوەشاندنەوەى بڕوانامەى زانکۆی ئیمامئۆغڵو درا، کە 35 ساڵ پێش ئێستا لە زانکۆی ئیستانبوڵ بەدەستیهێناوە.