ناوەڕۆکى نامەکەى ترەمپ بۆ خامنەیی

ناوەندی هەواڵ

بەشێک لە میدیا ئێرانییەکان "دەقی نامەکەی دۆناڵد ترەمپی سەرۆکی ئەمریکا"یان بۆ عەلى خامنەیی رابەرى شۆڕشى ئیسرامى ئێران ئاشکراکرد، کە بە پێشهاتێکی گرنگ لە پەیوەندییەکانی نێوان دوو وڵات دادەنرێت.

محەمەد ساڵح سێدقیان، بەڕێوەبەری ناوەندی عەرەبی بۆ لێکۆڵینەوەکانی ئێران، لە ئەکاونتی خۆی لە تۆڕی ئێکس،  نامەکەى دۆناڵد ترەمپ، سەرۆکی ئەمریکای بڵاوکردووەتەوە.

دەقی نامەکە
جەنابی ئایەتوڵڵا خامنەیی

لەگەڵ رێزگرتن لە رێبەرایەتی ئێوە و خەڵکی ئێران، بە ئامانجی کردنەوەی ئاسۆی نوێ بۆ پەیوەندییەکانمان، دوور لە ساڵانی ململانێ و لێکتێگەیشتن و رووبەڕووبوونەوەی ناپێویست، کە لە دەیەکانی رابردوودا بینیومانە ، ئەم نامەیەتان بۆ دەنووسم.

کاتی ئەوە هاتووە دوژمنایەتی بەجێبهێڵین و لاپەڕەیەکی نوێی هاوکاری و رێزگرتنی یەکتر بکەینەوە، ئەمڕۆش دەرفەتێکی مێژوویی لەبەردەمماندایە.

لە ژێر سەرکردایەتی مندا ویلایەتە یەکگرتووەکانی ئەمریکا ئامادەیە هەنگاوێکی گەورە بەرەو ئاشتی و کەمکردنەوەی گرژییەکان بنێت.

پێکەوە دەتوانین گەمارۆکان لاببەین و ئابووری ئێران بەهێز بکەین و دەرگای هاوکاریی نێوان دوو وڵاتەکەمان بکەینەوە، نەک تەنها بۆ بەرژەوەندی گەلەکەمان، بەڵکو بۆ قازانجی سەقامگیری و ئاشتی لە رۆژهەڵاتی ناوەڕاست و هەموو جیهان.

بەڵام ئاگادارتان دەکەمەوە، ئەگەر ئەم دەستە درێژکراوە رەتبکەنەوە و رێژیمی ئێران رێگای پەرەسەندن و بەردەوامی پشتیوانی لە رێکخراوە تیرۆریستییەکان و سەربازییەکان هەڵبژێرێت، ئەوا وەڵامدانەوەی یەکلاکەرەوە و خێرامان دەبێت.

ئێمە لە بەرامبەر هەڕەشەکانی رژێمەکەت بۆ سەر گەلەکەمان، یان هاوپەیمانەکانمان لە ناوچەکە بێکاردانەوە نابین.

ئاشتی لاوازی نییە، بەڵکو هەڵبژاردنی بەهێزەکانە، گەلی ئێران گەلێکی مەزنن، کە شایەنی ئایندەیەکی باشترن، دوور لە گۆشەگیری و هەژاری و مەینەتی.

ئەگەر ئێوە ئامادەن بۆ دانوستان، ئێمەش ئامادەین، بەڵام ئەگەر بەردەوام بن لە پشتگوێخستنی داواکارییەکان، مێژوو تۆماری دەکات، کە دەرفەتێکی گەورەت لەدەست داوە.

لەگەڵ رێزدا،
دۆناڵد جەی ترەمپ