یەکێتی جیهانیی زانایانی مسوڵمان فەتوای جیهادی گشتی دژی ئیسرائیل ڕاگەیاند

ناوەندی هەواڵ

سەرۆکى یەكێـتی جیهانی زانایانی مسوڵمان نووسراوێکی بڵاوکردەوە سەبارەت بە جیهاد دژی داگیرکاری فەڵەستین و داوا دەکات لەسەرانسەری جیهان پشتیوانی لێ بکرێت و  فەتوای جیهادی گشتی دژی ئیسرائیل ڕاگەیاندراوە.

دەقی بڵاوکراوەکەی پ.د. عەلی قەرەداغی سەرۆکى یەكێـتی جیهانی زانایانی مسوڵمان:

لیژنەی ئیجتیهاد و فەتوای یەکێتی جیهانی زانایانی موسڵمان فەتوایەک سەبارەت بە بەردەوامی هێرش بۆ سەر غەززە و پێشێلکردنی ئاگربەست دەردەکات.

یەکێتییەکە، واجبکردنی جیهادی چەکداری دژ بە داگیرکاری لە فەلەستین لەسەر هەموو موسڵمانێکی بەتوانا لە جیهانی ئیسلامدا ڕاگەیاندووە، هەروها پێویستی دەستێوەردانی سەربازی خێرا لە لایەن وڵاتانی عەرەبی و ئیسلامییەوە.

باسی لەپێویستی گەمارۆدانی ئیسرائیل لەبوارەکانی وشکانی و دەریایی و ئاسمانی لەلایەن وڵاتانی عەرەبی و ئیسلامی و دابینکردنی پێویستی لە ڕووی سەربازی و دارایی و سیاسی کردووە.

هەروەها داوا دامەزراندنی هاوپەیمانییەکی سەربازیی ئیسلامی بۆ پاراستنی میللەت و ڕاگرتنی هێرشەکانی غەززەی کردووە.
هاوکات یەکێتیەکە داوای کردووە:

قەدەغەکردنی ئاساییبوونەوە لەگەڵ دوژمن قەدەغەکردنی دابینکردنی نەوت و گاز بۆ ئیسرائیل.

چاوخشاندنەوە بەو پەیماننامە ئاشتیانەی کە هەندێک وڵاتی عەرەبی لەگەڵ قەوارەی داگیرکەردا ئەنجامیان داوە.

پێویستی جیهادی دارایی بۆ پشتیوانی براکانمان لە غەززە و خێرا کردنەوەی دەروازەکان.

داواکردن لە پێکهاتە موسڵمانەکان لە ویلایەتە یەکگرتووەکانی ئەمریکا فشار بخەنە سەر ترەمپ و حکومەتەکەی بۆ جێبەجێکردنی بەڵێنەکانی هەڵبژاردن بۆ ڕاگرتنی دەستدرێژی و هێنانەدی ئاشتی.