×

2024-07-09 123 جار خوێنراوەتەوە

بزوتنەوەی گۆڕان: سەرکۆنەی لەشکرکێشییەکانی تورکیا و بۆردومانکردنی ناوچەکانی هەرێمی کوردستان دەکەین

ناوەندی هەواڵ

ئەنجومەنی قەزای ناوەندی بزوتنەوەی گۆڕان لە بادینان ڕایدەگەیەنێت، لەشکرکێشییەکانی تورکیا لە سنوری بادینان مەترسییەکی گەورەیە لەسەر ئاسایشی هاوڵاتیانی سنورەکە، دەشڵێت: نیگەرانن لە بێدەنگی دامەزراوە فەرمییەکانی هەرێم لەئاست ئەو لەشکرکێشییانە.

لە بەیاننامەیەکدا ئەنجومەنی قەزای ناوەندی بزوتنەوەی گۆڕان سەرەڕای سەرکۆنەکردنی لەشکرکێشییەکانی تورکیا و شەڕ و بۆردومانکردنی ناوچەکانی هەرێمی کوردستان ڕایگەیاندوە،" بە ئەرکی نیشتمانی خۆمانی دەزانین بێ دەنگ نەبین بەرامبەر گواستنەوەی شەڕ و نائارامی بۆ ناوچەی بادینان و داگیرکردنی ژمارەیەک گوندی سەر سنور و دانانی بازگەی سەربازی و ناچارکردنی دانیشتوانی هەندێک لەو گوندانە تا ناوچەکانی خۆیان چۆڵ بکەن، بێگومان ئەم ڕەفتارانەش پێشێلکردنێکی بەرچاوی سەروەریی خاکی هەرێمی کوردستان و عێراقە".

ئاماژەبەوەشکراوە، سەرەڕای تێگەیشتن لەو ئاڵنگارییانەی کە لە سنورەکە ڕوودەدات و ڕوبەڕوی ئاسایشی ناوخۆیی هەرێمی کوردستان بونەتەوە، دەبێت ڕێز لە سەروەریی خاکی یەکتری و لێکتێگەیشتنی هەبێت لە کاروباری یەکتری، بەپێچەوانەوە بۆمبارانکردن و داگیرکاری و لەشکرکێشیی سەربازی و پێشێلکردنی سەروەریی خاکی هەرێمی کوردستان، توندوتیژیی زیاتر بەرهەم دەهێنێت و دەبێتە مایەی نائارامی و تێکچونی ئاسایشی ناوچەکە.

لەڕاگەیەندراوەکەدا ئەوەشهاتووە، چەند نیگەرانن بەرامبەر ئەو پێشێلکاری و داگیرکاریی و لەشکرکێشییە سەربازییەی دەوڵەتی تورکیا، هێندەش نیگەرانن لە بێدەنگی دامەزراوە فەرمییەکانی هەرێمی کوردستان و عێراق بەرامبەر ئەو دەستدرێژییانە.

  • سوپای تورکیا ئۆپەراسیۆنە نوێیەکەی لە ئاسمانەوە بۆ قەزای چۆمان درێژکردۆتەوە

  • مانگێك بۆ قەرەبووی خوێندن لە سنووری سلێمانی دیاریكرا

  • بەرپرسێکى یەکێتى: شەش ساڵى دیکە مەترسیەکى گەورە ڕوبەڕووى کەرکوک دەبێتەوە

  • مەزڵوم عەبدی: ئامادەین بۆ گفتوگۆ و بۆ بەرخۆدان

  • ئەنەکەسە ڕاهێنان بە گەنجانی کوردو عەرەب دەکات و دەیانکات بە سیخوڕی تورکیا

  • ڕۆژنامەی سەباح: پەرلەمان گەمارۆکانى سەر فڕۆکەخانەى سلێمانی تاوتوێ دەکات

  • ڕۆژئاوای کوردستان لەبارەی لەشکرکێشییەکانی تورکیا هۆشداری دەداتە دەسەڵاتدارانی هەرێم و عێراق

  • کورد و عه‌ره‌ب لە كه‌ركوک پێداگری له‌سه‌ر وه‌رگرتنی پۆستی پارێزگار ده‌كه‌ن

  • ئاسایش دەستگیرکردنی 21 تیرۆریستی لە سلێمانی ڕاگەیاند

سەرەکی