دەستبەسەردا گرتنى17کیلۆگرام ماددەی هۆشبەر راگەیەندرا

ناوەندی هەواڵ

بەڕێوەبەرایەتی نەهێشتنی ماددە هۆشبەرەکان رایگەیاند، چوار تۆمەتباریان دەستگیرکردووە و بڕی17 کیلۆگرام ماددەی هۆشبەری جۆری کریستاڵیش دەستی بەسەرداگیرا.

بەڕێوەبەرایەتی نەهێشتنی ماددە هۆشبەرەکان ڕاگەیەندراوێکی بڵاوکردەوە و ئاماژەیبەوەکرد، لە بەردەوامی هەوڵەکانمان بۆ بەرەنگاربوونەوەو نەهێشتنی ماددە هۆشبەرەکان، دوای بەدواداچوون و کۆکردنەوەی زانیاری و پاشان وەرگرتنی فەرمانی دادوەر، لە ڕێکەوتی 26ی5ـی2024 تاکو 3ی 7ی 2024 تیمەکانی بەدواداچوونی بەڕێوەبەرایەتیەکەمان لەدوو چالاکیدا، توانییان چوار تۆمەتبار کە کاری گواستنەوەو بازرگانی بە ماددەی هۆشبەر دەکەن دەستگیربکەن.

ئاماژە بەوەشدراوە، لەم دوو چالاکییەدا بڕی 17 کیلۆگرام ماددەی هۆشبەر لەجۆری کریستاڵ دەستی بەسەردا گیراوە و لە ئێستادا هەر چوار تۆمەتبار بەپێی یاسای بەرەنگاربوونەوەی ماددەهۆشبەرەکان راگیراون و لەژێر لێکۆلینەوەدان .