بەرەی تورکمانی سكاڵا له‌سه‌ر یه‌كێتی تۆمار دەکات

ناوەندی هەواڵ

سه‌رۆكی به‌ره‌ی توركمانی ڕایگه‌یاند، "هێزه‌ ئه‌منییه‌كانی یه‌كێتی له‌ژێر فشار و چاو سووركردنه‌وه‌ ده‌نگیان به‌ کاندیدێکی توركمان داوه‌، تا ده‌ربچێت" لەبەر ئەو هۆکارەش سکاڵای لەسەر تۆمار دەکەن.

حه‌سه‌ن تۆران، سه‌رۆكی به‌ره‌ی توركمانی لە لێدوانێکی ڕۆژنامەوانیدا ڕایگەیاند:"کاندیدێکی توركمان له‌ سنووری پارێزگای سلێمانی، كه‌ ڕاسته‌وخۆ سه‌ر به‌ یه‌كێتی نیشتیمانی كوردستانه‌ و له‌ژێره‌وه‌ كاریان بۆ ده‌كات، ده‌نگی ته‌واوی له‌لایه‌ن هێزه‌ ئه‌منییه‌كانه‌وه‌ مسۆگه‌ر كردووه‌، ئه‌م ڕووداوه‌ به‌ ته‌واوی ئێمه‌ی نیگه‌ران كردووه‌."

تۆران وتیشی:" وه‌ك به‌ره‌ی توركمانی سكاڵای یاساییمان له‌ كۆمیسیۆن له‌سه‌ر یه‌كێتی نیشتیمانی كوردستان و ئه‌م پێشێلكارییه‌ تۆمار كردووه‌".

دوێنێ هه‌ینی، 18\10\2024، ده‌نگدانی تایبه‌ت بۆ هه‌ڵبژاردنی خولی شه‌شه‌می په‌رله‌مانی كوردستان له‌ چوار بازنه‌ی هه‌ولێر و دهۆك و سلێمانی و هه‌ڵه‌بجه‌ و به‌شێك له‌ پارێزگاكانی عێراق به‌ڕێوه‌چوو، ڕێژه‌ی به‌شداریكردن له‌ پرۆسه‌ی هه‌ڵبژاردن 97% بوو.