نرخی بەنزین، غاز و نەوت لەهەرێم بەرزبوونەوە

ناوەندی هەواڵ

نرخی بەنزین و غاز و نەوت لەهەرێم بەرزبوونەوە و ئەوەش نیگەرانى لاى هاوڵاتیان و شۆفێران بەتایبەت دروستکردووە.

وەزارەتی سامانە سروشتیەكانی هەرێم لە مانگى ئەیلولى ئەمساڵ دابەزینى نرخى بەنزینى بڵاوکردەوە، بەڵام وەك هاوڵاتیان دەڵێن، نەك نرخەكەی دانەزبووە، بەڵكو بەبێ هیچ هۆكاریك نرخی سوتەمەنی بە گشتى رۆژبەرۆژ لە بەرزبوونەوەدایە.

بەپێی زانیارییەكان نرخی هەریەكێك لە جۆرەكانی بەنزین لە هەرێمی كوردستان 25 بۆ 50 دینار بەرزبوەتەوە بەجۆرێك نرخی لیترێك بەنزینی نۆرماڵ لە 925 دینارەوە بووەتە 950 و بەنزینی موحەسەن بووەتە  هەزار و 150 دینار.

لە زانیارییەکاندا هاتووە، جگە لە بەرزبنەوەی نرخی جۆرەكانی بەنزین نرخی یەك لیتر غازیش لە 450 دینارە بووەتە 500 دینار و نرخی یەك لیتر نەوتیش لە 700 دینارەوە بوەتە 720 دینار.