كاردانه‌وه‌كانی ناوخۆی توركیا له‌باره‌ی بانگه‌وازێكه‌ی ئۆجه‌لانه‌وه‌

ئیرادە میدیا

ئه‌ردۆگان: كه‌سانێك هه‌ن نایانه‌وێت كێشه‌كانمان چاره‌سه‌ر بن، ده‌بێت له‌به‌رامبه‌ر تێكدانی وڵاته‌كه‌یان هۆشیار بن.

دوێنێ 27ی شوباتی2025 له‌ كۆنگرەیەكی ڕۆژنامەوانیدا كه‌ له‌ ئوتێل Elite Worldی شاری ئەستەنبوول به‌سترا، شاندی دەمپارتی دوای گه‌ڕانه‌وه‌یان له‌ ئیمراڵی و ئه‌نجامدانی گفتوگۆیه‌كی چوار كاتژمێری له‌گه‌ڵ ئۆجه‌لاندا له‌  بانگەوازەكەی ئۆجەلانیان خوێندەوە كە داوا دەكات پەكەكە چەك دابنێت  زمانی ئاشتی و گفتوگۆ پێشبخرێت.

لە كۆنگرەیەكی ڕۆژنامەوانیدا شاندەكەی دەمپارتی كە سەردانی ئیمراڵییان كردوە، بانگەوازی مێژویی عە*بدوڵا ئۆ'جە-لان كە لە سێ پەڕە پێكهاتوە لەلایەن ئەحمەد تورك بە كوردی خوێنرایەوە، تیایدا هاتبوو: كه‌ پێویسته‌ زمانی ئاشتی و گفتوگۆ پێشبخرێت و هەروەك داوی لە پارتی كرێكارانی كوردستان كردوە چەك دابنێن.

بانگه‌وازێكه‌ی ئۆجه‌لان كاردانه‌وه‌ی جیاوازی له‌سه‌ر ئاستی توركیا و كوردستان و جیهان به‌دوای خوێدا هێنا، ئه‌مڕۆ هه‌ینی دوای ڕۆژێك له‌ بانگه‌وازێكه‌ی ئۆ*جه‌*لان سه‌رۆك كۆماری توركیا ڕه‌جه‌ب ته‌یب ئه‌ردۆگان ڕایگه‌یاند: "پێشوازی له‌ بانگه‌وازی چه‌كدانان ده‌كه‌ین و چاوه‌ڕێی ئه‌نجامی پراكتیكی ئه‌و بانگه‌وازییه‌ن پێش هه‌ر هه‌نگاونانێكی دیكه‌"

 هه‌روه‌ها ئه‌ردۆگان ڕایگه‌یاند: "ئه‌م هه‌نگاوه‌ ده‌شێت ببێته‌ هۆی كۆتایهێنانی ململانێیه‌ك كه‌ 40 ساڵه‌ به‌رده‌وامه‌"، هه‌روه‌ها پێی وابوو هه‌ندێك لایه‌ن نایانه‌وێت ئه‌م پرۆسه‌یه‌ سه‌ربگرێت، هه‌روه‌ك ئه‌ردۆگان پێی وابوو ده‌رفه‌تێكی مێژوویی هاتۆته‌ پێش به‌ره‌و ئامانجی ڕووخاندنی دیواری ( ئه‌وه‌ی ئه‌و به‌ تیرۆر ناوی برد).

وتیشی: ئامانجی بنه‌ڕه‌تی ئه‌وانیش له‌به‌رامبه‌ر گه‌له‌كه‌یاندا به‌دیهێنان و پاڵپشتیكردنی فه‌زایه‌كی گشتگیره‌ كه‌ هیچ كه‌سێك هه‌ست به‌ په‌راویزخستن نه‌كات".

دوێنێش ئیفكان ئالا جێگری سه‌رۆكی پارتی داد و گه‌شه‌پێدان ڕایگه‌یاند: "ناوه‌ڕۆكی بانگه‌وازێكه‌ نه‌ویكردنی چه‌كه‌كان و هه‌ڵوه‌شانه‌وه‌ی ئه‌و ڕێكخراوه‌یه‌، پارته‌كه‌ی ئه‌وانیش چاوه‌ڕوانی ده‌رئه‌نجامه‌كانی ئه‌و بانگه‌وازێیه‌ ده‌كات، جه‌ختی له‌وه‌ش كرده‌وه‌ كه‌ سه‌رۆكه‌كه‌یان و پارته‌كه‌یان هه‌رچییان له‌ده‌ست هاتووه‌ بۆ نه‌هێشتنی (تیرۆر) له‌ وڵاته‌كه‌یاندا كردوویانه‌.

به‌ڵام عه‌ومه‌ر چه‌لیك وته‌بێژی پارتی دادوگه‌شه‌پێدان له‌وان زیاتر پێداگیری پارته‌كه‌یانی پیشانداوه‌ و داوای كرد كه‌ چه‌كدانان ته‌نیا پارتی كرێكارانی كوردستان نه‌گرێته‌وه‌ به‌ڵكو هه‌موو ئه‌و گروپانه‌ی تریش بگرێته‌وه‌ كه‌ له‌‌ (ڕوانگه‌ی ئه‌وانه‌وه‌) وابه‌سته‌ی ئه‌و پارته‌ن، له‌وانه‌ یه‌كینه‌كانی پارستنی گه‌ل و پارتی یه‌كێتیی دیموكرات و دووپاتیكرده‌وه‌ ده‌بێت ئه‌و پارت و ڕێكخراوانه‌ (به‌ وتەی ئه‌و) هه‌ڵبوه‌شێنرێنه‌وه‌.

له‌ناوخۆی توركیادا كاریگه‌رییه‌كانی به‌رفراوان بوو، هه‌ردوێنێ ئۆزگور ئۆزەل سه‌رۆكی پارتی گه‌ل (یه‌كێك له‌ گه‌وره‌ترین پارته‌ ئۆپۆزیسیۆنه‌كانی توركیا) ڕایگه‌یاند: "دوای چه‌كدانانی ئه‌و سه‌رۆكی ئه‌و ڕێكخراوه‌ و خۆهه‌ڵوه‌شاندنه‌وه‌ كارێكی گرنگه‌".

هه‌روه‌ها ئۆزه‌ل وتی: هیواخوازین ئه‌م داوایه‌ سنوورێك بۆ (تیرۆر) بۆ هه‌میشه‌ دابنێت، كه‌ بۆته‌ هۆی له‌ده‌ستدانی گیانی هه‌زاران كه‌س و زیانگه‌یاندنێكی زۆر به‌ لایه‌نی ئابووری و كۆمه‌ڵایه‌تیی وڵاته‌كه‌، به‌ڵام ئۆزه‌ل ڕه‌خنه‌ی له‌ ئه‌ردۆگان گرت و ڕاشیگه‌یاند: " پرسی کورد هیچ کاتێک بەو قسانەی ئەردۆگان چارەسەر نابێت کە دەڵی "پرسی کورد لە ئارادا نییە"، بۆ چارەسەرکردنی پرسی کورد دەبێت کارەکان لە زەمینە و چوارچێوەی پەڕلەماندا ئەنجام بدرێت، دەبێت هەموو پارتێک بەشداربێت و نوێنەرایەتی لایەن و بزووتنەوە کۆمەڵاتیەکانیش بوونیان هەبێت، بەدڵنییاییەوە دەبێت ئەمە ئەنجام بدرێت".

هه‌روه‌ها گوتیشی "پارته‌كه‌ی ئه‌وان ڕێگا نادات هیچ ده‌سه‌ڵاتێك یاخود پێگه‌یه‌ك یانژی لایه‌نێك داواكاری كۆمه‌ڵگه‌ بۆ ئاشتی و دیموكراتی بۆ سوودی سیاسی تایبه‌تی خۆیان به‌كاربهێنن"، وه‌ك ئاماژه‌یه‌ك بۆ ئه‌گه‌ری به‌كارهێنانی ئه‌م بانگه‌وازیی ئاشتییه‌ی ئۆ*جه‌*لان له‌ لایه‌ن ئه‌ردۆگان و پارته‌كه‌ و كه‌سایه‌تی و پارته‌ به‌شداره‌كانی تری ده‌سه‌ڵاتی هه‌نووكه‌یی توركیا.

له‌لایه‌كی تریشه‌وه‌ محه‌مه‌د ئۆجوم، ڕاوێژكاری سه‌رۆك كۆماری توركیا له‌ تۆڕی كۆمه‌ڵایه‌تی ئێكس ڕای خۆی بڵاو كردبووه‌ و تێیدا هاتبوو: ئامانجی توركیایه‌كی بێ (تیرۆر) هه‌نگاو به‌ هه‌نگاو ده‌بێته‌ ڕاستی".

هه‌روه‌ها نووسیبووی:"بانگه‌وازێكه‌ی ئۆ*جه‌*لان له‌و چوارچێوه‌ و ناوه‌ڕۆكه‌دا بوو كه‌ ده‌وڵه‌ت له‌ ڕێگه‌ی سه‌رۆك ئه‌ردۆگان و به‌ڕێز باخچه‌لییه‌وه‌ وێنه‌یان بۆ كێشابوو" و "چه‌ندێتی گوێڕادێشتن بۆ ئه‌م داوایه‌ ئێسته‌ بۆته‌ بابه‌تێكی پراكتیكی، ئه‌وانه‌شی گوێڕایه‌ڵی ئه‌و داواكارییه‌ نابن تووشی سزا ده‌بن، بانگه‌وازێكه‌ هیچ جێی گفتوگۆنییه‌ و بێ مه‌رجیشه‌، ئێستا ده‌ستپێكی سه‌رده‌مێكی نوێیه‌ له‌ توركیا".

هه‌روه‌ك ئۆجوم پێی وایه‌ كه‌: "لێره‌ به‌دواوه‌، له‌كاتێكدا داواكاری و به‌رپرسیارێتی هه‌مووانه‌ كه‌ دیموكراتیه‌ت گه‌شه‌پێبده‌ن و پێشی بخه‌ن، ئه‌وا ئه‌ركی هه‌مووانیشه‌ به‌رگری له‌ سه‌ربه‌خۆیی و سه‌لامه‌تی جوگرافی و یه‌كێتی سیاسی توركیا