دەمەقاڵەکەی نێوان ترەمپ و زیلینسکی کاردانەوەی لێکەوتەوە

ناوەندی هەواڵ

وەزارەتی دەرەوەی ئەڵمانیا ڕایگەیاند، ئۆکراینا بەتەنها نییە و لەگەڵ هەموو هاوپەیمانە ئەوروپییەکانمان پشتیوانی لێدەکەین.

ئەمەش دوای دەمەقاڵە توندەکەی نێوان دۆناڵد ترەمپ سەرۆکی ئەمریکا هات لەگەڵ ڤۆلۆدیمێر زیلینسکی سەرۆکیا ئۆکراینا و پێی وت جەنگەکە لەگەڵ ڕوسیا دەدۆڕێنیت.

میدیای ئەمریکا بڵاویکردەوە کە ترەمپ، سەرۆکی ئۆکراینای لە کۆشکی سپی دەرکردووە.

ترەمپ لەبەردەم ڕۆژنامەنووساندا بە توندی لەگەڵ زیلینسکی قسەی کرد و پێی وت هیچ کارتێکت بەدەستەوە نییە و ئەگەر پشتیوانی ئێمە نەبووایە لە ماوەیەکی کورتدا بەرامبەر بە ڕوسیا شکستت دەهێنا.

دوای ئەوەی سەرۆکی ئۆکراینا کۆشکی سپی بەجێهێشت، دۆناڵد ترەمپ پەیامێکی بڵاوکردەوە و ڕایگەیاند، زیلینسکی ئامادە نییە بۆ ئاشتی و هەرکاتێک ئامادەبوو دەتوانێت بگەڕێتەوە.

دوای ئەوەی لەکۆشکی سپی ترەمپ و زیلینسکی بووە دەمەقاڵەیان ترەمپ بۆ زێلێنسکی:"یان رێکدەکەویت لەگەڵمان یان لە جەنگی ئۆکراین دەکشێینەوە".

لە کاتێکدا زێلێنسکی گلەیی ئەوەی دەکرد کە ئیدارەی ئەمریکا بە سەرۆکەکانی پێش ترەمپیشەوە نەیانتوانیوە ڤلادیمێر پوتین سەرۆکی ڕووسیا بوەستێنن، جێگرەکەی ترەمپ، جەی دی ڤانس کە ئامادەی کۆبوونەوەکە بوو، وتی "جەنابی سەرۆک، پێموایە بێڕێزییە کە هاتیتە ئۆفیسی ئۆڤاڵ بۆ ئەوەی هەوڵی وروژاندنی ئەم بابەتە لەبەردەم میدیاکانی ئەمریکادا بدەیت". 

پاشان ترەمپ بە زێلێنسکی وت "یان تۆ ئەم ڕێکەوتنە واژۆ بکە یان ئێمە لە دەرەوەی جەنگی وڵاتەکەتین، تۆ قومار لەگەڵ جەنگی جیهانی سێیەم دەکەیت. 

پێمان مەڵێ هەست بە چی بکەین، ئێمە هەوڵدەدەین کێشەیەک چارەسەر بکەین".

ئێوە بێڕێزی بە وڵاتەکەمان دەکەن، دەزانم بەبێ ئێمە ناتوانیت سەرکەوتن بەدەستبهێنیت". 

ترەمپ بە زێلینسکی وت هیچ کارتێکی نییە بۆ دەرباز بوون لەو دۆخەی وڵاتەکەی تێخستووە.وتیشی؛ ئۆکراین لە لایەن سەرۆکێکی "گەمژە"ی ئەمریکاوە 350 ملیار دۆلاری وەک هاوکاری پێداویت ئەگەر لەگەڵمان بیت دەتوانی سەرکەوتن بەدەستبهێنێت.