ڕاوێژکارێکی خامنەیی بۆ هاکان فیدان: تۆ بێ ئه‌ده‌بى

ناوەندی هەواڵ

لەوەڵامی لێدوانەکانی هاکان فیدان وەزیری دەرەوەی تورکیا، عەلی ئەکبەر ویلایەتی، ڕاوێژكاری عه‌لی خامنه‌یی ڕێبه‌ری باڵای كۆماری ئیسلامی ئێران جەختده‌كاته‌وه‌، "پێیوستە بەرپرسانی تورکیا پابەندی ئەتەکێتی دیپلۆماسیی بن"، هۆشداریش ده‌دات لەوەی، لەبەرامبەر ئەوكارانه‌ى کە بەزیادەڕەویی كراون له‌لایه‌ن توركیاوه‌، ئێران بێدەنگ نابێت.

ئیسماعیل بەقائی وتەبێژی وەزارەتی دەرەوەی ئێران هێرشێكى توندیكرده‌سه‌ر فیدان‌و كار گه‌یشته‌ ئه‌وه‌ى به‌بێئه‌ده‌ب ناوى دەبات.

ڕاوێژكاره‌ی خامنەیی، هۆشداریش دەدا به‌ توركیا كه‌ ڕه‌چاوی ڕه‌وشتی دبلۆماسی بكات، چونكه‌ چیتر ئێران ناتوانێت له‌وه‌ زیاتر له‌به‌رامبه‌ر زیاده‌ڕۆییه‌كانی توركیادا بێ ده‌نگ بێت.

عه‌لی ئه‌كبه‌ر ویلایه‌تی ڕاوێژكاری عه‌لی خامنه‌یی ڕێبه‌ری باڵای كۆماری ئیسلامی ئێران بۆ كاروباری نێوده‌وڵه‌تی دەشڵێت، له‌و بڕوایه‌داین شه‌ڕی ناوخۆیی له‌ سوریا سه‌رهه‌ڵبدات و وڵاته‌كه‌ دابه‌ش ببێت.

عه‌لی ئه‌كبه‌ر ویلایه‌تی دەڵیت" ئه‌و به‌ڵگه‌ و زانیاریانه‌ی كه‌لە له‌به‌رده‌ستماندان ئاماژه‌ن بۆ ئه‌وه‌ی ئێران بگاته‌ ئه‌و بڕوایه‌ی كه‌ پێشهاته‌‌ به‌راییه‌كانی دابه‌شبوونی ده‌وڵه‌تی سوریا هاتوونه‌ته‌ ئاراوه‌.

هاکان فیدان وتبوى، "بونی ئێران لەسوریا ڕێگریی لەڕودانی جینۆسایدێکی گەورە لەغەززە نەکردوە"، ئه‌مه‌ش كاردانه‌وه‌ى زۆر توندى به‌دواى خۆیدا هێناوه‌و وه‌ڵامه‌كانیش دژى فیدان له‌تارانه‌وه‌ تادێت فراوانترو توندتر ده‌بن.

 جێی باسه‌ له‌دوای ڕووداوه‌كانی كۆتایی ساڵی پار و ڕوخانی ڕژێمی به‌عس له‌ سوریا كه‌ هاوپه‌یمانی ئێران بوو له‌ لایه‌ن گروپی هه‌یئه‌ی ته‌حریری شامی نزیك له‌ توركیاوه‌ په‌یوه‌ندییه‌كانی ئه‌و دوو وڵاته‌ ئاڵۆزی زیاتری به‌خۆیه‌وه‌ بینیوه‌، تاران وای ده‌بینێت كه‌ ئه‌نقه‌ره‌ هاوكارێكی سه‌ره‌كی بووه‌ له‌ ڕووخاندنی ده‌سه‌ڵاتی به‌شار ئه‌سه‌د.