2025-03-07
46 جار خوێنراوەتەوە
هێزەکانی جۆلانی خەڵکی سڤیل و عه‌له‌وییه‌كانی سوریا كۆمه‌ڵكوژ ده‌كرێن
ئیرادە میدیا
لەسوریا کوشتارێكی بێوێنه له لایه‌ن ده‌سه‌ڵاته‌کەی ئه‌حمه‌د شه‌رع دژی خه‌ڵكی مه‌ده‌نی عه‌له‌وی به‌ڕێوه ده‌چێت.
لە شەوی پێنج شەممەوە تا ئێستا شەڕ و پێكدادانەكانی نێوان چەكدارە عەلەوییەكان و سەربازانی سوریا بەردەوامە و تا ئێستا 237 كەس كوژراون كە 142یان هاووڵاتیین.
دوای ڕووداوه‌كانی ته‌قه‌كردن له بازگه‌كانی ئاسایشی حكومه‌تی نوێی سوریا به سه‌رۆكایه‌تی ئه‌حمه‌د شه‌رع له ناوچه كه‌ناراوییه‌كانی سوریا له لایه‌ن كۆمه‌ڵێك له چه‌كدارانی عه‌له‌وییه‌وه، له دوێنێوه هێزه‌كانی ئه‌حمه‌د شه‌رع ئۆپەرسیۆنێكیان به‌ناوی سه‌ركوتكردنی یاخیبوونی عه‌له‌وییه‌كان ده‌ست پێكردووه، به‌ڵام له‌گه‌ل دیمه‌نه ڤیدیۆیه‌كان كه له سوریاوه بڵاو ده‌بنه‌وه ده‌ریده‌خه‌ن كوشتاری خه‌ڵكی مه‌ده‌نی له زۆرینه‌ی ناوچه عه‌له‌وییه‌كان ڕوویداوه.
ڕامی عه‌بدولڕه‌حمان سه‌رۆكی ڕوانگه‌ی سوری بۆ مافه‌كانی مرۆڤ لەڕاگەیەندراوێکدا دەڵێت، سه‌ركرده‌ی ئۆپەراسیۆنه‌كان به چه‌كداره‌كانیان وتووه كاری خۆتان بكه‌ن به‌ڵام وێنه‌ی مه‌گرن، به‌ڵام ئه‌وان كاری خۆیان له كوشتاری خه‌ڵكی مه‌ده‌نی ئه‌نجام ده‌ده‌ن و وێنه‌شی ده‌گرن.
ڕامی جه‌ختی له‌سه‌ر ئه‌وه كردووەتەوە كه په‌رچه‌كرداری تاوانه‌كه‌ی غه‌یاس ده‌له ده‌بوایه ته‌نیا له‌ناوبردنی ئه‌و چه‌كدارانه بێت نه‌ك له‌ناوبردنی پێكهاته‌ی عه‌له‌وی كه بێبه‌رین له كرده‌وه چه‌كدارییه‌كان، به‌ڵام به‌هۆی هاندانی تائیفییه‌وه كه له دوێنێوه به‌ڕێوه ده‌چێت به ده‌یه‌ها خه‌ڵكی بێ تاوانی عه‌له‌وی كۆمه‌ڵكوژ كراون.
وێنه‌كانی كوشتنی ڕاسته‌وخۆی هاوڵاتیانی بێچه‌كی عه‌له‌وی ئاستی ئه‌و كۆمه‌ڵكوژییانه ده‌رده‌خه‌ن كه ده‌سه‌ڵاته ئیسلامییه‌كه‌ی سوریا له دوێنێوه چی به‌سه‌ر هاوڵاتیانی عه‌له‌وی هێناوه.
ڕوانگەی سوری بۆ مافەكانی مرۆڤ ڕایگەیاندووە، لە شەڕ و پێكدادانەكان 50 ئەندامی هێزە ئەمنییەكانی وەزارەتی بەرگری و ناوخۆی سوریا و 45 چەكداری عەلەوی و 142 هاووڵاتی مەدەنی لە سنوری پارێزگاكانی لازقیە و تەرتوس و حەما كوژراون.
هه‌ر به پێی به‌دواداچوونه‌كانی ڕوانگه‌ی سوری بۆ مافه‌كانی مرۆڤ له سێ شوێنی جیاواز كه ئه‌وانیش گونده‌واره‌كانی "حه‌فه" و "موختارییه" و "ئه‌لشیر" هاوڵاتیانی سڤیل كۆمه‌ڵكوژ كراون، كه زۆربه‌یان نێرن، له نێویاندا پیره‌مێردی 70 ساڵه هه‌یه.
هه‌روه‌ها به بڕوای ڕامی عه‌بدولڕه‌حمان ژماره‌ی كوژراوانی مه‌ده‌نی زۆر له‌وه زیاترن به‌ڵام ئه‌وان تا ئێستا توانیویانه ئه‌وه‌نده پشت ڕاست بكه‌نه‌وه.
ڕامی عه‌بدوڵره‌حمان وتیشی كه: ژماره‌یه‌كی زیاتر تۆماری ڤیدیۆیی و زانیاری پێشێلكردنی مافی مرۆڤ و كوشتنی مه‌یدانی له به‌رده‌ستدایه و خه‌ریكی لێكۆڵینه‌وه‌ی زیاترن بۆ پشتڕاسكردنه‌وه‌یان.
له‌و ئۆپەراسیۆنانه‌دا تا ئێستا ده‌یه‌ها هاوڵاتی بێ سه‌روشوێنن و چاره‌نووسیان ئاشكرا نه‌كراوه.
وەزیری دەرەوەی سوریاش ڕایگەیاند، ڕوبەڕوی شەڕی شكاندنی ئیرادە بوونەتەوە.
هاوكات عەباس عەراقچی وەزیری دەرەوەی ئێران ڕایگەیاند، توندوتیژییەكانی سوریا ئاسایشی ناوچەكە دەخاتە مەترسییەوە.
هه‌روه‌ك تۆماره ڤیدیۆییه‌كان ئاشكرای ده‌كه‌ن كه خه‌ڵكی مه‌ده‌نی و چه‌كداری ناوچه‌یی په‌لاماری ماڵ و شوێنی نیشته‌جێبوونی هاوڵاتیانی عه‌له‌وی ده‌ده‌ن وێرانی ده‌كه‌ن.
تا ئێستا هیچ ده‌وڵه‌ت و ده‌زگایه‌ك جگه له ئیداره‌ی خۆسه‌ری و پارتی یه‌كێتی دیموكرات سه‌ركۆنه‌ی ئه‌و تاوانانه‌یان نه‌كردووه، به‌ڵكو به پێچه‌وانه‌وه زۆربه‌ی ده‌وڵه‌ته عه‌ره‌بییه‌كان و توركیاش پشتگیری خۆیان بۆ ده‌سه‌ڵاته‌كه‌ی ئه‌حمه‌د شه‌رع دووپاتده‌كه‌نه‌وه.
-
وەزیری بەرگری ئیسرائیل: جۆلانی بە قورسی باجەکەی دەدات ئەگەر بهێڵێت هێزەکانی دژ بە ئیسرائیل بچنە سوریاوە
|
-
ئیلۆن مەسك بەمزوانە كۆشكی سپی جێدەهێڵێت
|
-
زەنگی مەترسی لێدرا، نانەواخانەكانی غەززە داخران
|
-
سزا نوێیەکانی ترەمپ دەچنە بواری جێبەجێکردنەوە
|
-
ئەمریكا هێزی زیاتر رەوانەی رۆژهەڵاتی ناوەڕاست دەكات
|
-
عراقچی: نامەكەی ئێران گەیشتووەتە واشنتۆن
|
-
لەبارەی سوریا ئەمەریکا هۆشداری دەکات
|
-
ناوەڕۆکى نامەکەى ترەمپ بۆ خامنەیی
|
-
ترەمپ رێگە نادات ئێران بەشداری مۆندیال بكات
|
|
|
|