ئه‌حمه‌د شه‌رع دوای کوژرانی سەدان هاوڵاتی مەدەنی " بە خێر تەواو بوو "

ئەحمد شەرع دوای کوژرانی سەدان هاوڵاتی بە گەنج و ژن و منداڵ و پیر و پەککەوتەوە وەک ئەوەی هیچ ڕووینەدابێت بە کورتی و پوختی ڕایگەیاند "بەخێر تەواو بوو"

ئه‌حمه‌د شه‌رع سه‌رۆكی كاتی سوریا و سه‌رۆكی گروپی چه‌كداری ته‌حریری شام بۆ دووه‌م جار له‌ دوای شه‌ڕ و ڕووبه‌ڕووبوونه‌وه‌كانی سەر ناوچه‌ عه‌له‌وییه‌كان و كوژرانی زیاتر له‌ هه‌زار كه‌س و كۆمه‌ڵكوژكردنی سه‌ده‌ها له‌ ژن و منداڵ و گه‌نج و پیری عه‌له‌وی، بەیانی ئەمڕۆ له‌ مزگه‌وتی ئه‌لئه‌كره‌م له‌ گه‌ڕه‌كی ئه‌لمزه‌ی دیمه‌شق ده‌ركه‌وته‌وه‌ و وتارێكی كورتی پێشكه‌ش كرد و ووتی "بە خێر تەواو بوو" .

ئه‌حمه‌د شه‌رع لە ووتارەکەیدا و دوای کۆمەڵکوژ کردنی سەدان هاوڵاتی عەلەوی مەزهەب بە بیانووی لێدان لە پاشماوەکانی ڕژێمی سوریای پێشوو ڕایگەیاند:  پێویسته‌ ئاشته‌وایی كۆمه‌ڵایه‌تیی نێوخۆییان بپارێزن، ئه‌و ڕووداوانه‌شی ئه‌م چه‌ند ڕۆژه‌ له‌ ناوچه‌ كه‌ناراوییه‌كان ڕوویدا (به‌خێر ته‌واو بوو)، هه‌رچه‌نده‌ كوژراو و برینداری لێكه‌وته‌وه‌، ئه‌وه‌ی له‌وێش ڕوویدا له‌ چوارچێوه‌ی ئه‌و ئاله‌نگاریانه‌دا بوو كه‌ چاوه‌ڕوانیان ده‌كرد.
ئەحمەد شه‌رع ووتی: ئەوان "شۆڕشه‌كه‌یان له‌و مزگه‌وتانه‌وه‌ ده‌ست پێكرد بۆیه‌ هیچ مه‌ترسییه‌كی له‌سه‌ر نابێت" .

ڕوانگه‌ی سوری بۆ مافه‌كانی مرۆڤ ئێوارەی دوێنێ ڕایگەیاند کە توانیویانە ( 30 ) کۆمەڵکوژی دۆکیۆمێنت بکەن کە تێیدا زیاتر له ‌(745 ) كه‌سی  عەلەوی مه‌ده‌نییان تێدا کوژراوە و کە دەیانیان ژن و منداڵن  .