شێخ حیكمه‌ت هیجری: هیچ ڕێكه‌وتن و هه‌ماهه‌نگییه‌ك له‌گه‌ڵ فه‌رمانڕه‌وایانی دیمه‌شقدا ناكه‌ین و ئه‌وان توندڕه‌ون

له‌ كۆبوونه‌وه‌یه‌كیدا له‌گه‌ڵ كه‌سایه‌تییه‌كانی درووز له‌ سوێدا، شێخ حیكمه‌ت ئه‌لهیجری گه‌وره‌ كه‌سایه‌تی ئایینی درووزه‌كان ئه‌مڕۆ( ١٣-٢-٢٠٢٥ ) ڕایگه‌یاند: "له‌گه‌ڵ فه‌رمانڕه‌واكانی ئێستای دیمه‌شقدا هیچ پێكهاتن و سازانێكیان نییه‌، ئه‌و حكومه‌ته‌ی له‌ دیمه‌شق هه‌یه‌ توندڕه‌وه‌ و له‌ ئاستی نێوده‌وڵه‌تیدا كه‌سایه‌تییه‌كانی نێوی داواكراون".
 دوابەدوای واژۆکردنی دەستورەکەی سوریا لە لایەن محمد جۆلانی سەرۆکی کاتی سوریا ئەلهیجری دەڵێت " قۆناغەکە مەترسیدارە و یان خۆت دەسەلمێنیت یان تیا دەچیت " بۆیە "ئه‌وان به‌و ئاراسته‌یه‌دا ده‌ڕۆن كه‌ له‌به‌رژه‌وه‌ندی تائیفه‌كه‌ی خۆیان بێت .
دوابه‌دوای لێدوانه‌كه‌ی حیكه‌مه‌ت ئه‌لهیجری، تارق ئه‌لشوفی سه‌رۆكی ئه‌نجومه‌نی سه‌ربازی سوێدا ڕایگه‌یاند: "پابه‌ندن به‌ بڕیاره‌كانی سه‌ماحه‌تی شێخ حیكمه‌ت ئه‌لهیجری و هه‌ر په‌یوه‌ندییه‌ك له‌گه‌ڵ فه‌رمانڕه‌وایانی ئێستای دیمه‌شق ڕه‌ت ده‌كه‌نه‌وه‌ و هیچ په‌یوه‌ندییه‌كیان نابێت تا بڕیارگه‌لێك ده‌رنه‌چن كه‌ مافی هه‌موو پێكهاته‌كانی سوریا له‌خۆی بگرێت".

 "دروزەکان" سیتمێكی حوكمڕانی لامه‌ركه‌زی و فره‌ییان ده‌وێت، خه‌ڵكی هه‌رناوچه‌یه‌ك خۆیان خۆیان به‌ڕێوه‌ ببه‌ن، و له‌سه‌رپێن بۆ به‌رگریكردن له‌ خۆیان دژ به‌ هه‌ر هه‌ڕه‌شه‌یه‌ك لێیان بكرێت، تاریق الشوفی وادەڵێت ".
درووزه‌كان كه‌مینه‌یه‌كی ئایینین له‌ناوچه‌كانی باشووری ڕۆژئاوای سوریا ده‌ژین، به‌تایبه‌ت له‌ شاره‌كانی وه‌ك سوێدا و جێرمانا، هه‌روه‌ها هاوسنورن له‌گه‌ڵ بەرزاییەکانی جۆلان لە سوریا، كه‌ له‌ لایه‌ن ئیسرائیله‌وه‌ له‌ كاتی جه‌نگی شه‌ش ڕۆژه‌ی نێوان عه‌ره‌ب-ئیسرائیل داگیركراوه‌ و زۆرینه‌ی خه‌ڵكه‌كه‌ی له‌ درووزه‌كان پێك دێت.

حكومه‌تی ئیسرائیلی له‌سه‌ر زاری سه‌رۆك وه‌زیران و وه‌زیری ده‌ره‌وه‌ و وه‌زیری به‌رگری ئیسرائیل نه‌یشاردۆته‌وه‌ كه‌ ده‌یانه‌وێت په‌یوه‌ندییه‌كی چاكیان له‌گه‌ڵ درووزه‌كاندا هه‌بێت، هه‌روه‌ها چه‌ندین جار ڕایانگه‌یاندوو پاراستنی درووزه‌كان له‌ مه‌ترسی فه‌رمانڕه‌وایانی "ئیسلامیی توندڕه‌و" له‌ دیمه‌شق ده‌خه‌نه‌ ئه‌ستۆی خۆیان.
 حكومه‌تی ئیسرائیل له‌ چه‌ند ڕۆژی ڕابردوودا ئه‌وه‌ی ڕایگه‌یاند كه‌ پلانیان هه‌یه‌ مۆڵه‌ت بده‌ن به‌ كرێكارانی درووز تا له‌ ناو ئیسرائیلدا به‌تایبه‌ت له‌ جۆلان كاربكه‌ن، و هه‌روه‌ها هیوایان خواست په‌یوه‌ندییه‌كی تایبه‌ت له‌گه‌ڵ درووزه‌كانی سوریا پێكبهێنن.