ئیسرائیل هەڕەشەی لە ئەحمەد شەرع دەکات

ئیرادە میدیا

هێزە ئاسمانییەکانی ئیسرائیل ڕۆژی پێنجشەممەی پێشوو هێرشێکی ئاسمانی بۆ سەر دیمەشقی پایتەختی سوریا ئەنجامدا، وەزیری بەرگری ئیسرائیلیش هەڕەشە لە ئەحمەد شەرع دەکات کە ئەم جارە ناوەڕاستی دیمەشق بۆردومان دەکەن.

"لە هەر شوێنێک چالاکیی تیرۆریستی دژی ئیسرائیل ڕێکبخرێت، جۆلانی سەرکردەی توندڕەوی ئیسلامی فڕۆکەکانی هێزی ئاسمانی دەبینێت کە لە سەرەوە دەفڕن و ئامانجە تیرۆریستییەکان لەناو دەبەن". ئیسرائیل کاتز وەزیری بەرگری ئیسرائیل وادەڵێت.

وەزیری بەرگری ئیسرائیل، هەڕەشەکانی بۆ دەسەڵات دارانی نوێی سوریا توندە و دەشڵێت، تیرۆری ئیسلامی نە لە دیمەشق و نە لە هیچ شوێنێکی تر پارێزبەندی نابێت.

هەڕەشەکانی ئسیرائیل لە ئەحمەد شەرع لە کاتێکدایە سوپای ئەو وڵاتە  بانگەشەی ئەوە دەکەن کە فەرماندەی ناوەندێکی سەر بە جیهادی ئیسلامی فەلەستین لە دیمەشق بارەگای هەیە  بە ووتەی سوپای ئیسرائیل  بۆ ئاراستەکردنی "چالاکییە تیرۆریستییەکان" دژی ئیسرائیل بەکاردەهێنرێت.

میدیاکانی سوریاش دەربارەی هێرشەکە ڕایانگەیاندووە،هێرشەکەی ئیسرائیل لە ناوچەیەکی نیشتەجێبوون لە گەڕەکەکانی قەراخی  دیمەشق ئەنجامدراوە.