زیاتر لەحەوت هەزارو 600 کەس کاندیدى هه‌ڵبژاردنى په‌رله‌مانى عێراقن

به‌پێى ئه‌و زانیاریانه‌ى ئەندامێکی تیمی ڕاگەیاندنی کۆمسیۆنی باڵاى هەڵبژاردنەکانی عێراق ئاشكرایكردوه‌، زیاتر لەحەوت هەزارو 600 کەس خۆیان کاندیدکردوە، ده‌شڵێت:"بەشێکى زۆر لەوکەسانەی دورخراونەتەوە، سەرپێچییان لەیاسای هەڵبژاردن کردوە".

به‌وته‌ى حەسەن قەبەس ئەندامی تیمی ڕاگەیاندنی کۆمسیۆن، "تائێستا زیاتر لە 600 کاندید لەلایەن کۆمیسیۆنەوە دورخراونەتەوە".

سه‌باره‌ت به‌ژماره‌ى ئه‌وكه‌سانه‌ى خۆیان كاندیدكردوه‌، "زیاتر لەحەوت هەزارو 600 کەس خۆیان کاندیدکردوە".

ده‌شڵێت، "ئێمە بەگوێرەی یاسای هەمواركراوی هەڵبژاردن كاردەكەین‌و پابەندین بەوردبینیكردن‌و لێكۆڵینەوەكردن لەسیڤی كاندیدەكان".

ئه‌وه‌شى وت، "لەگەڵ 13 لایەنی ئەمنی‌و یاسایی كە وەڵامیانداینەوە بەڵگەیان لەسەربوو، كاندیدەكان دوردەخەینەوە، زۆرینەی ئەوانەشی دورخراونەتەوە بەر یاسای لێپرسینەوەو دادپەروەریی كەوتون‌و ئەوانی دیكه‌ش پێشێلی مادەی حەوتەم/ سێیەم، لەیاسای هەڵبژاردنیان كردوە، هیوادارین بەزوترینكات پڕۆسەكە تەواوبكەین".

سه‌باره‌ت به‌ته‌واوكردنى كاره‌كانیان بۆ وردبینیكردن، حەسەن قەبەس وتویه‌تى، "پێویستە وردبینی‌و لێكۆڵینەوە لەكاندیدە جێگرەوەكانیش بكەین، بۆ ئه‌وه‌ش پێویستمان بە 15 ڕۆژە".