به‌ره‌ى گه‌ل هاته‌ده‌نگ‌و دانپێدانانى گروپه‌كه‌ى لاله‌زار ڕه‌تده‌كاته‌وه‌

بەرەی گەل دانپێدانانی گروپەکەی لالەزار ڕەتدەکاتەوەو دەڵێت، "ئەم چەواشەکارییە ناتوانێ تاوانی 22ی ئاب پەردەپۆش بکات"، هاوكات داوایه‌كى به‌په‌له‌ ئاراسته‌ى سه‌رۆكایه‌تى هه‌رێم‌و حكومه‌ت‌و ئه‌نجومه‌نى باڵاى دادوه‌ریى هه‌رێم ده‌كات.

بەرەی گەل کە لاهور شێخ جەنگی سەرۆکایەتیی دەکات، لەبارەی بڵاوبونەوەی دانپێدانانی گروپەکەی لالەزار کە ئەمڕۆ بڵاوکرایەوە، ڕاگەیەنراوێکی بڵاوکردەوەو ده‌ڵێت:"سەبارەت بەسیناریۆ لاوازو چەواشەکارییەکەی یەکێتیی نوێ بەرلەوەی ئێمە لەبەرەی گه‌ل ڕەتی بکەینەوەو بەدرۆی بخه‌ینەوە، کۆمەڵانی خەڵکی کوردستان بەشێوەیەکی بەرفراوان لەتۆڕە کۆمەڵایەتیی‌و میدیاکان بەدرۆیان خستەوە".

ده‌شڵێت:"بۆیە ئەم سیناریۆ چەواشەکارییە بەهیچ شێوەیەک ناتوانێ ئەو تاوانە گەورەو قێزەونە دژ بەمرۆڤایەتیەی 22ـی ئاب پەردە پۆشبکات، بۆیە هەر لێرەوە داوا لەسەرۆکایەتیی هەرێم‌و حکومەتی هەرێم‌و سەرۆکایەتیی ئەنجومەنی باڵای دادوەری کوردستان دەکەین، ئەم ڕەوشە خراپ‌و قێزەونە ڕابگرن، بۆ ئەوەی هیچی تر هەرێمەکەمان دوچاری سەرکۆنەو ناشیرینی نەبێت لەناو کۆمەڵگه‌ی نێودەوڵەتی".