جیابوونەوەی هاوسەران لە عێراق و هەرێم ڕوو لە هەڵكشانە

لە عێراق و هەرێمی كوردستانیش ئامارەكانی جیابوونەوە هەڵدەكشێن، لەبەرامبەریشدا بە هەمانشێوە ئاماری هاوسەرگیری زیادیكردووە.

ناوەندی هەواڵ

لە عێراق و هەرێمی كوردستانیش ئامارەكانی جیابوونەوە هەڵدەكشێن، لەبەرامبەریشدا بە هەمانشێوە ئاماری هاوسەرگیری زیادیكردووە.

ئەنجومەنی باڵای دادوەریی عێراق ئاماری هاوسەرگیری و جیابوونەوەی بۆ مانگی ئادار بڵاوكردەوە، ئامارەكەی ئەنجومەنی دادوەری عیراق هەرێمی كوردستان ناگرێتەوە، كۆی گشتیی جیابوونەوە لە عیراق 5 هەزار و 75 حاڵەت بووە، واتە لە هەر كاتژمێرێكدا 7 ژن لە عیراق لە پیاوەكانیان جیا جیادەبنەوە.

زۆرترین رێژەی جیابوونەوە لە پایتەختە

بەپێی ئامارەكەی ئەنجومەنی باڵای دادوەریی عێراق، زۆرترین رێژەی جیابوونەوە لە بەغدادی پایتەخت بووە، كەمترین رێژەی جیابوونەوەش لە پارێزگای موسەنا بووە.

ئامارەكانی بەغداد و پارێزگاكانی تر

بەری رەسافە 3054 هاوسەرگیری و 1046 جیابوونەوە

بەری كەرخ 2440 هاوسەرگیری و 1031 جیابوونەوە

نەینەوا 1722 هاوسەرگیری و 355 جیابوونەوە

دیالە 789 هاوسەرگیری و 196 جیابوونەوە

بابل 1218 هاوسەرگیری و 169 جیابوونەوە

نەجەف889 هاوسەرگیری و 175 جیابوونەوە

كەركوك 738 هاوسەرگیری و 160 جیابوونەوە

زیقار 1276 هاوسەرگیری و 117 جیابوونەوە

ئەنبار829 هاوسەرگیری و 235 جیابوونەوە

بەسڕە 1697 هاوسەرگیری و 557 جیابوونەوە

واست 634 هاوسەرگیری و 108 جیابوونەوە

سەڵاحەدین 684 هاوسەرگیری و 165 جیابوونەوە

موسەنا 502 هاوسەرگیری و 87 جیابوونەوە

میسان 561 هاوسەرگیری و 131 جیابوونەوە

كەربەلا 884 هاوسەرگیری و 317 جیابوونەوە

قادسیە 648 هاوسەرگیری و 226 جیابوونەوە

كۆی گشتیی 18565هاوسەرگیری و 5075 جیابوونەوە

ئاماری جیابوونەوە و هاوسەرگیری لە هەرێم ساڵی 2025 و بەراورد بە 2024

بەپێی ئاماری ئەنجومەنی باڵای دادوەری هەرێمی كوردستان، حاڵەتەكانی جیابوونەوە لە ساڵی 2025 بەراورد بە ساڵی 2024 لە پارێزگاكانی هەولێر، دهۆك و كەركوك/ گەرمیان زیادیكردووە، بەڵام لە سلێمانی كەمیكردووە.

ئامارەكەی هەرێمی كوردستان بەمشێوەیەیە

ساڵی 2024 لە پارێزگای هەولێر 3878 جیابوونەوە تۆماركراوە

ساڵی 2025 ژمارەكە بۆ 7113 حاڵەت بەرزبووەتەوە

ساڵی 2024 لە پارێزگای دهۆك 2033 جیابوونەوە تۆماركراوە

ساڵی 2025 ژمارەكە بۆ 2354 حاڵەت بەرزبووەتەوە

ساڵی 2024 لە كەركوك/ گەرمیان 728جیابوونەوە تۆماركراوە

 بەڵام ساڵی 2025 ژمارەكە بۆ 990 حاڵەت بەرزبووەتەوە

ساڵی 2024 لە پارێزگای سلێمانی 5745 جیابوونەوە تۆماركراوە

 بەڵام ساڵی 2025 ژمارەكە بۆ 5369 حاڵەت كەمیكردووە.

ئامارەكانی هاوسەرگیری لە ساڵی 2025 بەراورد بە 2024

ژمارەكە لە سەرجەم پارێزگاكاندا زیادیكردووە، بەم شێوەیە:

ساڵی 2024 لە پارێزگای هەولێر 17591مارەبڕین

ساڵی 2025 ژمارەكە بۆ 19620 زیادیكردووە

ساڵی 2024 لە پارێزگای سلێمانی 18522 مارەبڕین

ساڵی 2025 ژمارەكە بۆ 25687 حاڵەت زیادیكردووە

ساڵی 2024 لە پارێزگای دهۆك 12199مارەبڕین تۆماركراوە

ساڵی 2025 ژمارەكە بۆ 12955حاڵەت زیادیكردووە

ساڵی 2024 لە پارێزگای كەركوك/گەرمیان 2706 مارەبڕین

ساڵی 2025 ژمارەكە بۆ 3066 حاڵەت زیادیكردووە.

هۆكارەكانی جیابونەوەی نێوان هاوسەران لە هەرێمی کوردستان

هاوكات ئەو ئامارەی  ئەنجومەنی دادوەری هەرێمی كوردستان لەسەر هۆكارەكانی جیابونەوەی نێوان هاوسەران بڵاویكردووەتەوە بەپێی ئامارەكە بەم شێوە:-

-نەگونجان لەگەڵ یەكتر: ٢٥٪

- جیاوازی تەمەن ١٤٪

-خیانەت: ١٣٪

-نەبونی ماڵی جیا: ١٠٪

-مۆبایل و ئینتەرنێت:١٠٪

-هۆكاری نەزۆكی:٩٪

-هۆكاری كۆمەڵایەتی:٩٪

-ژنھێنانی دووەم:٤٪

هۆكاری ئابوری:٣٪

هۆكاری دیكە: ٣٪

هۆكاری ئاینی: ٠ ٪